جالپى حالىقتىق رەفەرەندۋمعا داۋىس بەرۋگە كەلگەن ەل ازاماتتارى از ەمەس. ءتىپتى ولاردىڭ ىشىندە جاستار مەن ورتا جاستاعىلاردىڭ سانى باسىم ەكەنىن ايتا كەتكەن ءجون.
استانا تۇرعىنى اينۇر وسپانوۆا ءوزى تىركەلگەن 341 داۋىس بەرۋ ۋچاسكەسىندە ءوز تاڭداۋىن جاساعان سوڭ بىزگە شاعىن سۇحبات بەردى. ول: ء«بىز ارينە وسى رەفەرەندۋمنان كوپتەگەن وزگەرىستەردى كۇتەمىز, جاڭا قازاقستان قۇرۋ يدەياسىنا سەنەمىن，پرەزيدەنتتىڭ بۇل باستاماسىن قولدايمىن，قازىر بولىپ جاتقان，الدا بولاتىن وزگەرىستەرگە ءۇمىت ارتامىز. بۇل العاشقى قادام بولسا دا，ونى قولداۋىمىز كەرەك»，دەگەن كوزقاراسىمەن ءبولىستى.
نۇر-سۇلتان قالاسى ماڭگىلىك ەل 28/1 مەكەنجايىنا ورنالاسقان 341 داۋىس بەرۋ ۋچاسكەسىندە داۋىس بەرۋگە نەشە ادام تىركەلگەنىن，داۋىس بەرۋ باستالعالى بەرى نەشە ازامات داۋىس بەرگەنىن بىلە المادىق. سەبەبى，اتالعان داۋىس بەرۋ ۋچاسكەسىنىڭ ۇيىمداستىرۋشىسى قۇرالاي سەرىكقىزى اقپارات بەرۋگە مىندەتتى ەمەسپىز دەپ ءمان-جايدى ايتۋدان باس تارتتى.
