سارىسۋ اۋدانىندا ورنالاسقان 25 رەفەرەندۋم ۋچاسكەسىنىڭ جۇمىسى جاقسى جۇرگىزىلۋدە. تاڭەرتەڭنەن باستاپ داۋىس بەرۋشىلەردىڭ لەگى ازايار ەمەس. اۋدانداعى 25 رەفەرەندۋم ۋچاسكەسىنىڭ بارلىعىندا دا جارمەڭكە ءوتىپ جاتىر. وعان 36 كاسىپكەر جۇمىلدىرىلعان. بۇل جەردە داۋىس بەرۋشىلەر تۇراقتاندىرۋ قورىنىڭ باعالارىنا ساي ازىق-ت ۇلىكتى, سونىڭ ىشىندە كوكونىستى ارزان باعاعا ساتىپ الا الادى. سونىمەن قاتار, رەفەرەندۋم ۋچاسكەلەرىندە كەلۋشىلەر ءۇشىن راديوكونتسەرتتىك باعدارلاما دا ۇيىمداستىرىلعان.
جالپىحالىقتىق رەفەرەندۋم بايزاق اۋدانىندا دا بەلسەندى وتۋدە. اۋدان اكىمى باقىت قازانباسوۆ №126 رەفەرەندۋم ۋچاسكەسىنە كەلىپ, ءوز تاڭداۋىن جاسادى. سونداي-اق داۋىس بەرۋگە كەلگەن اۋدان تۇرعىندارى ءۇشىن ۋچاسكەلەر ماڭىندا اۋىلشارۋاشىلىق جارمەڭكەلەرى ۇيىمداستىرىلعان. مۇندا ءتۇرلى كوكونىستەر مەن جەمىستەر, ءسۇت ونىمدەرى جانە تاعى باسقا دا قاجەتتى ونىمدەر نارىق باعاسىنان تومەن ساتىلۋدا.
