«قازاقستاننىڭ باسىم بولىگىندە تۇراقسىز اۋا رايى كۇتىلەدى: نايزاعاي, بۇرشاق, داۋىل, باتىستا قاتتى جاڭبىر جاۋادى. ەلىمىزدىڭ سولتۇستىگىندە, وڭتۇستىك-باتىسىندا عانا جاۋىن-شاشىنسىز اۋا رايى كۇتىلەدى. رەسپۋبليكا بويىنشا جەلدىڭ كۇشەيۋى, سولتۇستىكتە, شىعىستا – تۇمان, وڭتۇستىك-باتىستا – شاڭدى داۋىل كۇتىلەدى», دەلىنگەن «قازگيدرومەت» رمك حابارلاماسىندا.
تۇندە شىعىس قازاقستان وبلىسىنىڭ سولتۇستىك-شىعىسىندا, شىعىسىندا نايزاعاي, تۇمان, وڭتۇستىك-باتىسىندا, وڭتۇستىگىندە جەلدىڭ جىلدامدىعى 15-20 م/س جەتەدى.
الماتى وبلىسىنىڭ شىعىسىندا-جەل 15-20, ەكپىنى 25 م / س, كۇندىز تاۋلى اۋدانداردا نايزاعاي وينايدى.
قوستاناي وبلىسىنىڭ باتىسى مەن وڭتۇستىگىندە نايزاعاي, كۇندىز شىعىستا جەلدىڭ جىلدامدىعى 15-20 م/س جەتەدى.
اقمولا وبلىسىنىڭ وڭتۇستىگىندە, باتىسىندا - نايزاعاي, تۇندە جانە تاڭەرتەڭ سولتۇستىكتە – تۇمان, كۇندىز باتىستا – 15-20 م/س جەل كۇشەيەدى.
جامبىل وبلىسىنىڭ سولتۇستىك - شىعىسىندا, تاۋلى اۋداندارىندا جەل 15-20 م/س كۇشەيەدى, كۇندىز تاۋلى اۋدانداردا نايزاعاي, بۇرشاق, داۋىل كۇتىلەدى.
كۇندىز تۇركىستان وبلىسىنىڭ تاۋلارىندا نايزاعاي ويناپ, جەل 15-20 م/س كۇشەيەدى.
تۇندە پاۆلودار وبلىسىنىڭ سولتۇستىگىندە تۇمان تۇسەدى.
كۇندىز سولتۇستىكتە, ماڭعىستاۋ وبلىسىنىڭ ورتالىعىندا - نايزاعاي, شاڭدى داۋىل, سولتۇستىكتە, وڭتۇستىكتە, ورتالىقتا كۇندىز جەل 17-22, ەكپىنى 25 م/س كۇشەيەدى.
تۇندە اقتوبە وبلىسىنىڭ سولتۇستىگىندە, وڭتۇستىگىندە نايزاعاي ويناپ, جەل 15 م/س كۇشەيەدى.
قاراعاندى وبلىسىنىڭ شىعىسىندا, ورتالىعىندا نايزاعاي ويناپ, جەل 15-20 م/س كۇشەيەدى.
باتىس قازاقستان وبلىسىنىڭ وڭتۇستىگىندە, سولتۇستىك-باتىسىندا, ورتالىعىندا نايزاعاي, بۇرشاق, داۋىل, كۇندىز وڭتۇستىكتە, سولتۇستىك-باتىستا, شىعىستا, ورتالىقتا جەلدىڭ جىلدامدىعى 15-20 م/س جەتەدى.
كۇندىز وڭتۇستىكتە, اتىراۋ وبلىسىنىڭ ورتالىعىندا نايزاعاي, داۋىل, جەل 15-20 م/س كۇشەيەدى.
تۇندە جانە تاڭەرتەڭ سولتۇستىك قازاقستان وبلىسىنىڭ وڭتۇستىگىندە تۇمان تۇسەدى.
سونداي-اق سينوپتيكتەر كۇندىز اتىراۋ, اقتوبە وبلىستارىنىڭ وڭتۇستىگىندە قاتتى ىستىق كۇتىلەدى. باتىس قازاقستان وبلىسىنىڭ وڭتۇستىگىندە, سولتۇستىگىندە, اقتوبە ورتالىعىندا, پاۆلودار وبلىسىنىڭ ورتالىعىندا توتەنشە ءورت قاۋپى بار.
