جىلجىمالى كوميسسيانى ۇيىندە كوتەرىڭكى كوڭىل-كۇيمەن قارسى العان ءان پاديشاسى مەملەكەت باسشىسى قاسىم-جومارت توقاەۆتىڭ باستامالارىنا دەر كەزىندە قابىلدانعان شەشىم دەپ باعا بەردى.
ءانشى سونداي-اق كونستيتۋتسياعا وزگەرتۋلەر ەنگىزۋ تۋرالى شەشىم اسىرەسە جاستار ءۇشىن قاجەت, ويتكەنى ولاردىڭ بولاشاعى كوپ جاعدايدا سوعان بايلانىستى ەكەنىن اتاپ ءوتتى. «كونستيتۋتسيامىزدىڭ الەۋەتىنىڭ كەيبىر تۇستارى زامانعا ساي بولماي تۇر. ءبىز جاڭا زامان, جاڭا مەملەكەتتىك قۇرىلىم تابىلدىرىعىندا تۇرمىز. مەملەكەت باسشىسى قاسىم-جومارت توقاەۆ قازاق تاريحىندا جاڭا قازاقستاننىڭ نەگىزىن قالايتىنىن, بۇل ورتادا ادىلەتسىزدىك پەن جەمقورلىققا جول بەرمەيتىنىن ايتتى. حالىقتىڭ مۇددەسى ءۇشىن ابىرويىن بايگەگە تىگىپ وتىرعان پرەزيدەنتىمىزدى كوپ بولىپ قولدايىق. بۇرىن حالىقتا تاڭداۋ مۇمكىندىگى بولمادى, تالانت تيىسىنشە باعالانبادى, «قوعام تاڭداۋلىلاردىڭ» قىسپاعىندا قالدى. بۇل ءبىزدى زايىرلى قوعام قۇندىلىقتارىنان الىستاتىپ جىبەردى. ەندى ءبارى باسقاشا بولادى, قازاقتىڭ ەڭسەسى كوتەرىلەدى دەپ ۇمىتتەنەمىن. مىڭ ءولىپ, مىڭ تىرىلگەن قازاق بۇل كۇنگە لايىق. اللا تاعالا ۇستىمىزدە تەك تىنىشتىق, اشىق اسپان بەرسىن, مەملەكەتىمىزدىڭ دامۋ جولىنا تۇسۋىنە ىشكى, سىرتقى كۇشتەر كەدەرگى بولماۋىن, ال قاسىم-جومارت كەمەل ۇلىنا باستاعان رەفورمالارىنىڭ ناتيجەسىن ەلىمەن بىرگە كورۋىنە جەتەتىن ءومىر تىلەيمىن», دەپ ءسوزىن تۇيىندەدى ب. تولەگەنوۆا.
