ول مۇنايلى شاھارداعى №8 ۋچاسكەگە كەلىپ, ءوز تاڭداۋىن جاسادى. بۇل ۋچاسكە ن.تىلەنديەۆ اتىنداعى وبلىستىق كىشى ونەر اكادەمياسىندا ورنالاسقان.
«بۇگىنگى كۇن – تاريحي كۇن. ويتكەنى, ۇرپاعىمىز ءۇشىن, كەلەشەك ءۇشىن ماڭىزدى قادام جاسايتىن ەڭ جاۋاپتى كەزەڭدە تۇرمىز. ەلىمىزدىڭ بەيبىت بولۋى, بالالارىمىزدىڭ باقۋاتتى ءومىر ءسۇرۋى ءۇشىن ءوز تاڭداۋىمىزدى جاساۋعا مۇمكىندىك الدىق. ءوزىم ەل كەلەشەگىنىڭ جارقىن بولاتىنىنا سەنەمىن. ءبارىمىز وسى ماقساتقا جۇمىلىپ, ايانباي ەڭبەك ەتۋىمىز قاجەت», دەيدى جەلاياق ءامين تۇياقوۆ.
ونىڭ ايتۋىنشا, ءار ادامعا وتاننان ارتىق قۇتتى مەكەن بولمايدى.
«سول سەبەپتەن, ەلىمىزدىڭ وركەندەگەنىن, جاس بۋىننىڭ ساپالى ءبىلىم الىپ, ادال قىزمەت ەتكەنىن قالايمىز. بۇل ءۇشىن قوعام تىنىسى ءبىر ورنىندا تۇرىپ قالماي, جاڭعىرا بەرۋى كەرەك. ال جاڭعىرۋ ەل كونستيتۋتسياسىنا ەنگىزىلەتىن وزگەرىستەن باستاۋ الاتىنىن ۇعىنۋ قاجەت. بۇگىن جاڭا دا ءادىل قازاقستاننىڭ جاڭا تاريحى باستالادى», دەدى ول.
