ء«بىزدىڭ ميسسيادان قازاقستانداعى رەفەرەندۋمگە 140 ادام اككرەديتتەلگەن. ۋكراينا مەن مولدوۆادان باسقا ەلدەر وكىلىنىڭ بارلىعى بار. تمد ميسسياسى 21 مامىردا ءوز جۇمىسىن باستادى. مەن 1 ماۋسىمنان باستاپ قازاقستاندا جۇمىس ىستەپ جاتىرمىن. مەملەكەتتىك ورگاندارمەن, ونىڭ ىشىندە ورتالىق سايلاۋ كوميسسياسى, جوعارعى سوت, كونستيتۋتسيالىق كەڭەس, ءىىم, باس پروكۋراتۋرادا بىرقاتار كەزدەسۋلەر وتكىزدىك. ول جەردە رەفەرەندۋمعا دايىندىق بارىسى تۋرالى ايتىلدى. پىكىرلەستىك. سونىمەن قاتار ازاماتتاردىڭ ءوتىنىشى مەن شاعىمدارىن قابىلداۋعا بايلانىستى ماسەلەلەردى دە تالقىلادىق. وسى ۋاقىتقا دەيىن ەشقانداي شاعىمدار تۋرالى ەستىمەدىك. بۇل وتە جاقسى», دەيدى انفيموۆ.
سپيكەردىڭ سوزىنشە, تمد بايقاۋشىلار ميسسياسىنىڭ بايقاۋشىلارى الماتىدا جانە اقمولا وبلىسىندا جۇمىس ىستەۋدە.
ء«وزىم نۇر-سۇلتاندا 7 ۋچاسكەگە بارىپ, دايىندىق جانە داۋىس بەرۋ پروتسەسىمەن تانىسىپ شىقتىم. قازاقستانداعى رەفەرەندۋمگە وراي تەحنيكالىق تۇرعىدان دا, ۇيىمداستىرۋشىلىق تۇرعىسىنان دا تمد بايقاۋشىلار ميسسياسى ەشقانداي كوڭىل تولماۋشىلىق بىلدىرمەيدى», دەدى سپيكەر.
رەفەرەندۋمگە داۋىس بەرۋ نۇر-سۇلتان ۋاقىتىمەن كەشكى 19:00-گە دەيىن جالعاسادى. رەفەرەندۋمنىڭ ناتيجەسىندە كونستيتۋتسيانىڭ 33 بابى بويىنشا 56 وزگەرىس ەنگىزىلەدى.
