«قازىرگى ۋاقىتقا دەيىن وبلىس بويىنشا 221 مىڭ 242 ازامات ءوز تاڭداۋىن جاسادى. بۇل 32,16 پايىزدى قۇرايدى. بارلىق ۋچاسكەلىك كوميسسيالار كەستەگە سايكەس, دەمالىسسىز جۇمىس ىستەۋدە», دەيدى وبلىستىق سايلاۋ كوميسسياسىنىڭ توراعاسى سەرعالي ايداپكەلوۆ.
سونداي-اق جامبىل وبلىسىندا تۇراتىن 38 مىڭ 446 مۇمكىندىگى شەكتەۋلى ازاماتتارعا دا داۋىس بەرۋ ءۇشىن ءتيىمدى جاعدايلار قاراستىرىلعان. ونىڭ ىشىندە 35 مىڭ 731 مۇمكىندىگى شەكتەۋلى ازاماتتار ۋچاسكەلەردە داۋىس بەرەدى دەپ جوسپارلانسا, قالعان 2915 ازامات ۇيدەن داۋىس بەرەدى دەپ كۇتىلۋدە.
«وڭىرگە حالىقارالىق بايقاۋشىلار كەلگەن جوق. الايدا وبلىس بويىنشا ءار ۋچاسكەدە 2 باقىلاۋشىدان بار. جالپى, رەفەرەندۋم قوعامنىڭ باقىلاۋىندا. وبلىستا رەفەرەندۋم پروتسەسىن دايارلاۋعا قاتىسى بار مەملەكەتتىك ورگاندارمەن جانە قىزمەت كورسەتۋشى كاسىپورىن باسشىلارىمەن بىرلەسە وتىرىپ, ۇيىمداستىرۋ جۇمىستارىن اتقارۋدا», دەيدى سەرعالي ايداپكەلوۆ.
