قازاقستان رەسپۋبليكاسى مەملەكەتتىك رامىزدەرىنىڭ 30 جىلدىعىن مەرەكەلەۋ اياسىندا نۇر-سۇلتان قالاسىندا پاتريوتتار فورۋمى ءوتتى. ءىس-شاراعا كورنەكتى مادەنيەت وكىلدەرى, قوعام جانە مەملەكەت قايراتكەرلەرى, عالىمدار جانە ت.ب. قاتىستى.
«ءبىز ارقاشان تۋىمىز بەن ء انۇرانىمىزدى, ەلتاڭبامىزدى ماقتان تۇتامىز جانە بۇگىن وسى تاماشا مەرەكەنى اتاپ ءوتۋ ءۇشىن جينالىپ وتىرمىز. ارقاشاندا اسپان تۇستەس-كوك بايراعىمىز تاۋەلسىزدىگىمىزدىڭ مىزعىماستىعىن, قازاقستاندىقتاردىڭ جوعارى جەتىستىكتەرىن الەمگە ماقتانىشپەن ءسۇيىنشىلەپ, كوكتە جەلبىرەپ تۇرسىن!
ارقايسىمىزدىڭ جۇرەگىمىزدە جاتتالعان ءانۇرانىمىزدىڭ قاسيەتتى سوزدەرى الەمدى جاڭارتاتىن جەتىستىكتەرگە جەتەلەپ, جىگەرلەندىرسىن. ەلتاڭبامىز ارقاشاندا قازاق مەملەكەتىنىڭ جوعارى بەدەلىنىڭ بەلگىسى بولسىن! بۇل زالدا ەلىمىزدىڭ وزىق ويلى, جاسامپاز جاستارى جينالىپ وتىرسىزدار, مەن سىزدەردىڭ مەملەكەتتىك رامىزدەرگە دەگەن ايرىقشا قاستەرلى قارىم – قاتىناستارىڭىزدىڭ نەگىزىندە ەلگە دەگەن زور ماقتانىش, وتانعا دەگەن شەكسىز سۇيىسپەنشىلىك جانە شىنايى حالىق بىرلىگى تۇرعانىنا كامىل سەنىمدىمىن», دەدى داۋرەن اباەۆ فورۋمعا قاتىسۋشىلارعا ارناعان سوزىندە.
سونداي-اق, ءىس-شارا بارىسىندا «جىل پاتريوتى» نوميناتسياسىنىڭ جەڭىمپازدارى ماراپاتتالدى:
«عىلىم جانە ءبىلىم» – اسحات جۇمابەكوۆ, ءبىلىم بەرۋ زەرتتەۋلەرىنىڭ ەۋروپالىق اسسوتسياتسياسىنىڭ ەۋروپالىق بايقاۋىنىڭ جەڭىمپازى; ماكسيم زدوروۆەتس, فيزيك, ل. ن. گۋميلەۆ اتىنداعى ەۋرازيا ۇلتتىق ۋنيۆەرسيتەتى ترەكتىك مەمبرانالىق تەحنولوگيالاردى دامىتۋ جونىندەگى ينجەنەرلىك بەيىندەگى زەرتحانانىڭ جەتەكشىسى, فيزيكا-ماتەماتيكا عىلىمدارىنىڭ كانديداتى.
«مادەنيەت جانە سپورت» – 2022 جىلعى بەيجىڭدەگى قىسقى پاراليمپياداسىنىڭ قولا جۇلدەگەرى الەكساندر گەرليتس; گۇلنۇر ماماساريپوۆا, تەلەپروديۋسەر, ستسەناريست.
«مەديتسينا جانە ۆولونتەرلىك» – QazCovid-in (QazVac) كوروناۆيرۋس ينفەكتسياسىنا قارسى قازاقستاندىق ۆاكتسينانى ازىرلەۋشى كۇنسۇلۋ زاكاريا; ەرىكتى ابىلايحان ءابدىراش نۇر-سۇلتان قالاسىندا پاندەميا كەزىندە كاسىبي مەديتسينالىق كومەك كورسەتكەن. سونداي-اق حالىققا مەديتسينالىق كومەك كورسەتۋ ءۇشىن «قازاقستاننىڭ مەديتسينا جاستارى» رقب قۇرعان.
«ونەركاسىپ جانە اۋىل شارۋاشىلىعى» - كاسىپكەر بەيبىت اسانوۆ ءوز قاراجاتىنا تۋعان اۋىلىندا (پوگاداەۆ اۋىلى, بقو) سپورت كەشەنىن سالعان. قازىرگى ۋاقىتتا وندا اۋىل تۇرعىندارى جاتتىعىپ, مادەني ءىس-شارالار وتكىزۋدە; امانجول اريپوۆ, «باحا SوHNE» جشس ديرەكتورى, اقمولا وبلىسى اتباسار اۋدانى پوكروۆكا اۋىلىندا س ۇلى ۇلپەگىن وندىرەتىن زاۋىت سالعان. كومپانيانىڭ 1000 باس ءىرى قارا مالعا ارنالعان بورداقىلاۋ الاڭى بار.
«تەحنولوگيا جانە بيزنەس» - وركەن مامىرباەۆ Phillips كومپانياسىمەن بىرگە قازاق تىلىندەگى سوزدەردى ماتىنگە اينالدىراتىن باعدارلامالىق قامتاماسىز ەتۋدى ازىرلەگەن. بۇل تەحنولوگيا قازاق ءتىلىن اقپاراتتىق كەڭىستىككە ينتەگراتسيالاۋ جانە دامىتۋ ءۇشىن تۇڭعىش رەت ازىرلەندى; سابىرجان اكباروۆ, كاسىپكەر جانە مەتسەنات, 2021 جىلى ساردوبا سۋ قويماسى بوگەتىنىڭ بۇزىلۋىنان پايدا بولعان اپات كەزىندە تۇركىستان وبلىسى ماقتاارال اۋدانىنىڭ تۇرعىندارىنا كومەك كورسەتكەن. سونداي-اق وتكەن جىلى قۋاڭشىلىققا بايلانىستى جەم-ءشوپ تاپشىلىعى كەزەڭىندە ماڭعىستاۋ وبلىسىنىڭ تۇرعىندارى ءۇشىن ءشوپ جيناۋعا كومەك كورسەتكەن.
«ەرەكشە ەرلىك كورسەتكەن ازاماتتار» – ۇلان مىرزاباي, گۆاردياشى, اقتوبە قالاسىنداعى قاڭتار وقيعاسى كەزىندە وتان الدىنداعى بورىشىن ابىرويمەن ورىنداپ, ەرلىك كورسەتكەن; ءسابيت شونتاقباەۆ سەگىزىنشى قاباتتان ءۇش جاسار قىزدى ءوز ءومىرىن قاتەرگە تىگىپ قۇتقارعان.
