«قولجەتىمدى سپورت» جوباسى قالا تۇرعىندارىن ءارتۇرلى سپورت تۇرلەرىنە ۇيرەتۋگە باعىتتالعان, سونداي-اق وسى سپورت تۇرلەرى بويىنشا سپورت سەكتسيالارىنا تەگىن قاتىسۋعا مۇمكىندىك بەرەدى.
اتالمىش جوبا العاش رەت ءوز جۇمىسىن قازان ايىنىڭ باسىندا نۇر-سۇلتان قالاسىندا باستاۋ الدى.
جوبا 2021 جىلدىڭ جەلتوقسان ايىنىڭ سوڭىنا دەيىن جالعاسىپ, 20 مىڭعا جۋىق ەلوردا تۇرعىنىن قامتىدى.
2022 جىلدىڭ ءساۋىر ايىنان باستاپ جوبا قازاقستاننىڭ 7 قالاسىندا ءوز ەسىگىن قايتا اشتى. ولار نۇر-سۇلتان, الماتى, شىمكەنت, سەمەي, پەتروپاۆل, اقتاۋ جانە تالدىقورعان قالالارى.
مادەنيەت جانە سپورت مينيسترلىگىنىڭ باستاماسى مەن قولداۋىنىڭ ارقاسىندا قالا تۇرعىندارى ءۇشىن بارلىق ساباقتار تەگىن وتەدى.
ەلىمىزدىڭ 7 قالاسىنىڭ تۇرعىندارى ءۇشىن كەلەسى سپورت تۇرلەرى قولجەتىمدى:
سكانديناۆيالىق ء جۇرىس
جۇگىرۋ
كاراتە
ۇستەل تەننيسى
فيتنەس
سپورت زالدارىندا فيتنەس, ۇستەل تەننيسى جانە كاراتە ساباقتارى ۇيىمداستىرىلعان. جۇگىرۋ جانە سكانديناۆيالىق ءجۇرىس قالالاردىڭ ساياباقتارى مەن تىنىم باقتارىندا وتەدى.
وقىتۋدى بىلىكتى نۇسقاۋشىلار مەن جاتتىقتىرۋشىلار جۇرگىزەدى.
ءار قالادا جاتتىعۋ وتكىزىلەتىن ءاربىر سپورت تۇرىنەن 2-دەن 6-عا دەيىن ورىن تاڭدالدى. ءبىر ساباقتىڭ ۇزاقتىعى 1,5 ساعات.
جوباعا قاتىسۋ ءۇشىن جاس شەكتەۋلەرى بار:
سكانديناۆيالىق ءجۇرىس 18 جاستان باستاپ
فيتنەس 18 جاستان باستاپ
زالدارداعى ۇستەل تەننيسى 18 جاستان باستاپ
كاراتە, جۇگىرۋ 7 جاستان باستاپ
جوبانىڭ ساباق كەستەسى, جوبا تۋرالى ناقتى اقپاراتتار, حابارلاندىرۋلار جانە فوتو/بەينە ەسەپتەر جوبانىڭ Instagram @dostupnyi_sportkz پاراقشاسىندا تۇراقتى تۇردە جاريالانادى.
مامىر ايىنان باستاپ بارلىق فيتنەس جانە كاراتە ساباقتارى سپورت زالدارىنان 4 قالانىڭ ساياباقتارىنا كوشتى: الماتى, اقتاۋ, شىمكەنت, تالدىقورعان.
22 ساۋىردەن باستاپ «قولجەتىمدى سپورت» جوباسى بويىنشا بارلىق اقپاراتتى بىلۋگە جانە ساباقتارعا جازىلۋعا بولاتىن سەنىم تەلەفونى جۇمىس ىستەيدى: +7 707 618 43 43.
وپەراتورلار قوڭىراۋلاردى اپتاسىنا 7 كۇن 09:00-دەن 21:00-گە دەيىن قابىلدايدى.
