«فونتانداعى سۋ ءجيى جاڭارتىلمايتىنىن ەسكەرگەن ءجون. وسىعان بايلانىستى ۆيرۋستىق جانە پارازيتتىك اۋرۋلاردى جۇقتىرۋ قاۋپى جوعارى. سونداي-اق سۋبۇرقاقتا قاڭعىباس يتتەر مەن قۇستار شومىلادى, ولار ءارتۇرلى ينفەكتسيالاردىڭ قوزدىرعىشى بولۋى مۇمكىن. ونىڭ ۇستىنە جوعارى اۋا تەمپەراتۋراسىندا سۋداعى ميكروورگانيزمدەر تەز كوبەيەدى. سوندىقتان سۋبۇرقاقتا شومىلۋ سۋىق تيۋ قاۋپىمەن عانا ەمەس, وتكىر ىشەك ينفەكتسياسىنا نەمەسە كونيۋنكتيۆيتكە دە اينالۋى مۇمكىن. سونىمەن قاتار ەنتەروۆيرۋستىق جانە روتاۆيرۋستىق ينفەكتسيالار, سونداي-اق ا ۆيرۋستىق گەپاتيتى ۇلكەن قاۋىپ توندىرەدى», دەدى نۇر-سۇلتان قالاسىنىڭ باس سانيتار دارىگەرى سارحات بەيسەنوۆا.
بەيسەنوۆانىڭ ايتۋىنشا, سانيتاريالىق-ەپيدەميولوگيالىق باقىلاۋ دەپارتامەنتى ەپيدەميولوگيالىق ماۋسىمدا مامىردان قىركۇيەككە دەيىن زەرتحانالىق زەرتتەۋلەرگە سۋ سىنامالارىن الا وتىرىپ, سۋبۇرقاقتاردىڭ سۋ ساپاسىنا سانيتارلىق-ەپيدەميولوگيالىق مونيتورينگ جۇرگىزەدى.
«زەرتحانالىق زەرتتەۋلەردىڭ ناتيجەلەرى بويىنشا سايكەسسىزدىكتەر انىقتالدى: اتاپ ايتقاندا, بايقوڭىر جانە سارىارقا اۋداندارىندا ورنالاسقان («جاستار» سارايىنىڭ جانىنداعى سۋبۇرقاق, «ەسىل» ءسۇ اۋدانىندا, سونداي-اق پۋشكين سكۆەرىندە جانە اباي داڭعىلىندا) سانيتارلىق-حيميالىق كورسەتكىشتەر بويىنشا سۋبۇرقاق كەشەندەرىنىڭ سۋىندابۇلدىرلىق بويىنشا رۇقسات ەتىلگەن ءماننىڭ 1,1 - 1,7 ەسە ارتۋى كورسەتىلدى», دەدى ەلوردانىڭ باس سانيتار دارىگەرى.
سونداي-اق ول ا.مولداعۇلوۆا ەسكەرتكىشى مەن «جاستار» تەاترى ماڭىنداعى «اتىراۋ» سۋبۇرقاق كەشەندەرىنىڭ سۋىندا ميكروبيولوگيالىق كورسەتكىشتەر بويىنشا سايكەسسىزدىك انىقتالعانىن جەتكىزدى.
«سۋبۇرقاقتا ءجۇزۋ كەزىندە, باسقالارمەن قاتار, جاراقات الۋ قاۋپى جوعارى. فونتاننىڭ بەتىندە ادەتتە استىڭعى جارىق, اعىندى ساپتامالار, جاي ساپتامالار ورنالاسادى. قوسىلعان كوممۋنيكاتسيالاردىڭ كەسىرىنەن مەحانيكالىق جانە ەلەكتر جاراقاتىن الۋىڭىز ىقتيمال», دەدى سارحات بەيسەنوۆا.
وسىعان بايلانىستى, استانالىق سەبد اتا-انالاردى بالالارىنا قاۋىپسىزدىك جانە جەكە باس گيگيەناسىن ساقتاۋ ەرەجەلەرىن تۇسىندىرۋگە شاقىرادى. ەشبىر جاعدايدا بالالاردى قاراۋسىز قالدىرماي جانە ولارعا كۇن سايىن شومىلۋعا تىيىم سالىنعان جەرلەردە سۋعا ءتۇسۋ وتە قاۋىپتى ەكەنىن ەسكەرتكەن ءجون.
