ەڭبەك جانە حالىقتى الەۋمەتتىك قورعاۋ مينيسترلىگىنىڭ مالىمەتىنشە, جىل باسىنان بەرى قازاقستانعا كەلگەن قانداستاردىڭ جارتىسىنان كوبى (68,7%) وزبەكستاننان, 10,4% – قىتايدان, 8,8% – تۇرىكمەنستاننان, 2,6% – موڭعوليادان جانە 9,5% باسقا ەلدەردەن قونىس اۋدارعان.
«كەلگەن ەتنيكالىق قازاقتار نەگىزىنەن الماتى (31,1%), ماڭعىستاۋ (18,8%), تۇركىستان (10,3%) جانە جامبىل (6,2%) وبلىستارىنا, سونداي-اق الماتى (6%), نۇر-سۇلتان (6,9%) جانە شىمكەنت (7,9%) قالالارىنا قونىستاندى», دەلىنگەن ۆەدومستۆو حابارلاماسىندا.
وسى جىلعى 1 ماۋسىمداعى جاعداي بويىنشا ەڭبەككە قابىلەتتى جاستاعى ەتنيكالىق قونىس اۋدارۋشىلار سانى – 63,2%, ەڭبەككە قابىلەتتى جاستان كىشى قونىس اۋدارۋشىلار سانى – 22,8% جانە زەينەتكەرلەر سانى – 14%.
ەڭبەككە قابىلەتتى جاستاعى قانداستاردىڭ ىشىنەن ءبىلىم دەڭگەيى بويىنشا 11,4%-ى – جوعارى ءبىلىمدى, 40,3%-ى – ورتا كاسىبي ءبىلىمدى, 46,6%-ى – جالپى ورتا ءبىلىمدى جانە 1,7%-نىڭ ءبىلىمى جوق.
