«ەلەكتر ەنەرگەتيكاسىن وندىرەتىن ونەركاسىپ نىساندارى جىل سايىن ورتا ەسەپپەن 900 مىڭ توننا اۋانى لاستايتىن زياندى زاتتار شىعارادى. بۇل ەلدەگى بارلىق ونەركاسىپتەن شىعاتىن زياندى زاتتاردىڭ 40%-ى. وسى ورايدا ەلىمىزدىڭ ەنەرگەتيكا سەكتورىندا ەڭ وزىق قولجەتىمدى تەحنولوگيالاردى كەزەڭ-كەزەڭىمەن ەنگىزۋ جانە ونى دامىتۋ ماڭىزدى. جاسىل تەحنولوگيانى ىلگەرىلەتۋ جولىندا ەۋروپا وداعى ەلدەرىنىڭ وزىق قولجەتىمدى تەحنولوگيالارعا كوشۋ تاجىريبەسى ۇلكەن ءرول اتقارادى», دەدى سەرىكقالي برەكەشەۆ ەلوردادا ءوتىپ جاتقان «ECOJER» ءىى حالىقارالىق ەكولوگيالىق كونگرەسىندە.
ۆەدومستۆو باسشىسىنىڭ ايتۋىنشا, ونەركاسىپ وندىرىسىنەن كەلەتىن زياندى ازايتۋ قۇزىرلى ورگانداردىڭ باسىم مىندەتتەرىنىڭ ءبىرى بولىپ قالا بەرەدى.
«قازاقستان بىرقاتار زاڭنامالىق قۇجاتتار, دامۋ ستراتەگيالارى مەن باعدارلامالاردى قابىلداۋ ارقىلى «جاسىل تەحنولوگياعا» كوشۋ ءۇشىن ۇيىمدىق-قۇقىقتىق تۇرعىدان نەگىز جاساعان ورتالىق ازياداعى ءبىرىنشى مەملەكەت. ءبىز بۇل ستراتەگيانى حالىقارالىق ىنتىماقتاستىقتى ەسكەرە وتىرىپ جالعاستىراتىنىمىز ءسوزسىز. بۇل جەردە مەملەكەت, قوعام, بيزنەس پەن ۇكىمەتتىك ەمەس ۇيىمداردىڭ ورتاق كۇش-جىگەرى عانا سىن-قاتەرلەرگە توتەپ بەرىپ, ەلدىڭ تۇراقتى ءارى قاۋىپسىز دامۋىنا مۇمكىندىك بەرەتىنىن اتاپ وتكىم كەلەدى», دەيدى ول.
