«ەلىمىزدە 5 ماۋسىمدا كونستيتۋتسياعا ەنگىزىلەتىن وزگەرىستەرگە بايلانىستى رەسپۋبليكالىق رەفەرەندۋم وتەدى. وسىعان وراي, اتىراۋ قالاسىندا جانە شاھار ماڭىنداعى ەلدى مەكەندەرگە قاتىنايتىن قوعامدىق كولىكتەردىڭ بارلىق مارشرۋتىندا جولاۋشىلار تەگىن تاسىمالدانادى. اكىمدىك پەن جولاۋشى تاسىمالدايتىن كاسىپورىنداردىڭ ورتاق شەشىمىمەن قابىلدانعان بۇل مۇمكىندىكتى جاس ايىرماشىلىعىنا قاراماستان قالا تۇرعىندارى مەن قوناقتارىنىڭ ءبارى پايدالانا الادى», دەپ ءمالىم ەتتى اكىمدىكتىڭ ءباسپاسوز قىزمەتى.
قازىر اتىراۋ قالاسىندا بىرنەشە كاسىپورىن جولاۋشىلار تاسىمالىمەن اينالىسادى. ونىڭ ىشىندە ەكى اۆتوپاركتە 220 اۆتوبۋس بار. ماسەلەن, بىلتىر «اقجايىق اۆتوپارك» جشس ءوز قارجىسىنا قورشاعان ورتانى لاستامايتىن 160 جاڭا ەكواۆتوبۋس ساتىپ العان. مەتان گازىمەن جۇرەتىن اۆتوبۋستاردىڭ قوزعالىس ۋاقىتى 7 باعىتتا جەدەلدەتىلدى. بۇرىن قامتىلماعان 3 باعىتقا اۆتوبۋستار شىعارىلدى. ال, 200-دەن استام اۆتوبۋس مۇمكىندىگى شەكتەۋلى ادامداردىڭ قاجەتتىلىگى ءۇشىن تولىق بەيىمدەلگەن.
