ءبىلىم • 02 ماۋسىم، 2022

ءبىلىم تۋرالى زاڭناما 5 جىلدا 29 رەت وزگەرگەن

500 رەت كورسەتىلدى

تاۋەلسىزدىك جىلدارى ەلىمىزدەگى ەڭ كوپ رەفورمالانعان سالا – ءبىلىم بەرۋ سالاسى بولدى. بۇل پىكىردى سەنات دەپۋتاتى مۇرات باقتيار ۇلى ايتتى، دەپ حابارلايدى Egemen.kz.

«وسى كەزگە دەيىن ءبىلىم سالاسىندا ءبىز ەلىكتەمەگەن ەل قالعان جوق شىعار. بىراق ولار قوعامعا قاجەت پە، مۇددەمىزگە ساي ما، وعان باس اۋىرتپادىق. ناتيجەسىندە تاۋەلسىزدىك جىلدارىندا ەلىمىزدەگى نەعۇرلىم رەفورمالانعان سالا – ءبىلىم بەرۋ سالاسى بولدى. تەك سوڭعى 5 جىلدا ءبىلىم تۋرالى زاڭعا 29 رەت وزگەرىستەر مەن تولىقتىرۋلار ەنگىزىلدى، مەملەكەتتىك ءبىلىم بەرۋ ستاندارتى 2000-2017 جىلدارى 7 رەت وزگەردى. ءار وزگەرىس سايىن وقۋلىقتىڭ مازمۇنى جاڭارىپ، قىرۋار قارجى ءبولىنىپ، جاڭا وقۋلىقتار باسىلىپ جاتادى. دامىعان ەلدەردە، مىسالى جاپونيادا مەملەكەتتىك ءبىلىم بەرۋ ستاندارتى بىرنەشە جىل تالقىلانىپ، سوڭعى رەت 2010 جىلى بەكىتىلدى، سودان كەيىن وزگەرىسكە تۇسكەن جوق»، دەدى دەپۋتات سەنات وتىرىسىندا.

م. باقتيار ۇلى ورتا مەكتەپتە دە جاڭارتىلعان ءبىلىم بەرۋ باعدارلاماسىن جاساۋدا تىم اسىعىستىققا جول بەرىلگەنىن ايتتى.

«اينالدىرعان ءتورت جىلدا 3،5 ملن وقۋشىعا ءبىلىم بەرۋ رەفورماسىن جاساپ تاستاپ، ولاردىڭ شەكسىز رەفورمالاردىڭ تاجىريبەلىك الاڭىنا اينالدىردىق. بىراق رەفورمالاردىڭ ناتيجەسى مەن ولاردىڭ قانداي ءبىلىم العانىنا ەشكىم جاۋاپ بەرگەن ەمەس. سوڭعى 30 جىلدا قازاقستاننىڭ ءبىلىم بەرۋ جۇيەسىنەن 10 ملن ادام ءوتىپتى. وسى تۇستا ءبىز تۇلعا قالىپتاستىرۋشى ورتا مەكتەپتەرگە ەرەكشە نازار اۋدارۋىمىز كەرەك ەدى. ويتكەنى جاڭا ۇرپاقتىڭ وزىنە دەگەن سەنىمىنىڭ تومەندىگىنە، مامان، تۇلعا رەتىندە ءتيىستى دارەجەدە قالىپتاسا الماۋىنىڭ سالدارى مەن قايشىلىقتارىنا ءبىز دە جاۋاپتىمىز. ءبىر-بىرىنەن الشاق الەۋمەتتىك توپتاردىڭ بولۋى، ولاردىڭ ءبىر-بىرىنە اشىق قارسى شىعۋى، قاتىگەزدىك پەن وزبىرلىققا بارۋىنىڭ ءتۇپ تامىرى بىلىمدە جاتىر. سەبەبى شىن مانىندەگى ساپالى بىلىمگە قولى جەتەتىن ورتا بىزدە جەتكىلىكسىز»، دەدى سەنات دەپۋتاتى.

ايانا توعانبەك

سوڭعى جاڭالىقتار

اۋەزوۆ جانە تۇركى الەمى

رۋحانيات • كەشە

يدەولوگيا

رۋحانيات • كەشە

مەيىرىم مەن قاتىگەزدىك

رۋحانيات • كەشە

ەسكى مەن جاڭا اراسى

رۋحانيات • كەشە

بي پاديشاسى

رۋحانيات • كەشە

ساپا قايتسە جاقسارادى؟

قازاقستان • كەشە

قايىرىمدىلىقتىڭ ۇلگىسى

قازاقستان • كەشە

ساق ءداۋىرىنىڭ تاسى

تانىم • كەشە

ۇقساس جاڭالىقتار