قازاقستان • 01 ماۋسىم، 2022

قازاقستاندىق تەڭىز پورتتارى ارقىلى جۇك تاسىمالداۋ كولەمى ارتتى

23 رەت كورسەتىلدى

قازاقستاندىق تەڭىز پورتتارى ارقىلى جۇك تاسىمالداۋ كولەمى ەكى ەسەگە ارتتى. وتكەن جىلدىڭ ءبىرىنشى توقسانىندا اقتاۋ ايلاعىمەن ءبىر ميلليون 200 مىڭ توننادان استام جۇك تاسىمالدانعان، دەپ حابارلايدى Egemen.kz.

رەسپۋبليكا شەت مەملەكەتتەرگە استىق، كومىر، مۇناي ونىمدەرىن، تىڭايتقىشتار، حيميالىق جانە باسقا دا زاتتاردى ەكسپورتتايدى. پورت جىل بويى بارلىق تۇردەگى كەمەلەردى قابىلدايدى. مۇنداعى اشىق قويمالاردا 2 جارىم مىڭ كونتەينەر ساقتاۋعا بولادى.

ء«بىز ترانسكاسپي حالىقارالىق كولىك باعىتى قاۋىمداستىعىن قۇردىق. وعان وسى پروتسەسكە قاتىسۋشىلاردىڭ بارلىعى كىرەدى. ارينە، بۇل باعىتتىڭ تار تۇستارىن كەڭەيتەمىز. ءبىز تسيفرلاندىرۋ، كەدەندىك راسىمدەردى جەڭىلدەتۋ، جەدەلدەتىلگەن پروتسەستەر ارقىلى وتكىزۋ قابىلەتىن 20 پايىزعا دەيىن ارتتىرا الامىز»، دەدى اقتاۋ حالىقارالىق تەڭىز ساۋدا پورتىنىڭ پرەزيدەنتى اباي تۇرىكپەنباەۆ.

ال قۇرىق پورتىمەن ەلىمىزگە كولىك، ازىق-ت ۇلىك، ونەركاسىپتىك قۇرال-جابدىقتار، قۇرىلىس ماتەريالدارى يمپورتتالادى. ترانزيتپەن ەلەكترونيكا، توقىما، مەتالل بۇيىمدارى اكەلىنەدى. مۇنداعى ينفراقۇرىلىم اۆتوموبيل جانە تەمىرجول ايلاقتارىنان تۇرادى. سوڭعىسىنىڭ قۋاتتىلىعى جىلىنا 4 ميلليون تونناعا جەتەدى. ەكى ايلاق ءبىر مەزەتتە تورت پارومعا قىزمەت كورسەتە الادى.

«وتكەن ايدا تاسىمال كولەمىن ءۇش ەسەگە ارتتىردىق. بۇل اۆتوكولىك پەن ۆاگون سانى ءۇش ەسە كوپ دەگەن ءسوز، ناتيجەسىندە ءۇش ەسە كوپ جۇك وڭدەلدى. تۇركيانىڭ بۇكىل لوگيستيكاسى اۆتوكولىكتەرگە نەگىزدەلگەن. سوندىقتان ءبىز دە ەۋروفۋرالارعا ارناپ ءدالىز قۇرۋعا نازار اۋداردىق»، دەدى قۇرىق پورتىنىڭ باس ديرەكتورى سەرىك احمەتوۆ

كوپتەگەن حالىقارالىق دالىزدەردىڭ تاعى ءبىر قۇرامداس بولىگى كاسپي تەڭىزىنىڭ شىعىس جاعالاۋىندا ورنالاسقان. اقتاۋ سولتۇستىك تەرمينالىنان جۇكتەر نەگىزىنەن يران، رەسەي جانە ازەربايجان باعىتتارىنا جونەلتىلەدى.

سوڭعى جاڭالىقتار

شيرەك فينالعا ءوتتى

تەننيس • كەشە

ۇقساس جاڭالىقتار