كەزدەسۋگە ورتالىق رەفەرەندۋم كوميسسياسىنىڭ حاتشىسى مۇحتار ەرمان, سونداي-اق تمد-دان بايقاۋشىلار ميسسياسى شتابىنىڭ جەتەكشىسى ولەگ كۋلەبا قاتىستى.
نۇرلان ءابدىروۆ نۇر-سۇلتان قالاسىنا كەلگەن تمد بايقاۋشىلارى ميسسياسىنىڭ باسشىسىنا ءىلتيپات ءبىلدىرىپ, رەفەرەندۋمعا دايىندىق پەن ونى وتكىزۋدىڭ نەگىزگى كەزەڭدەرىمەن قىسقاشا تانىستىرىپ ءوتتى.
لەونيد انفيموۆ ميسسيا 2022 جىلعى 21 مامىردا جۇمىسقا كىرىسكەنىن جانە ءوز قىزمەتىن قازاقستان رەسپۋبليكاسىنىڭ زاڭناماسىنا سايكەس قاتاڭ تۇردە ساياسي بەيتاراپتىق, رەفەرەندۋم بارىسىنا جانە مەملەكەتتىڭ ىشكى ىستەرىنە ارالاسپاۋ قاعيداتتارىنا نەگىزدەيتىنىن اتاپ ءوتتى.
تمد-دان بايقاۋشىلار ميسسياسىنىڭ قۇرامىنا تمد-عا قاتىسۋشى مەملەكەتتەردىڭ, دوستاستىقتىڭ پارلامەنتارالىق اسسامبلەياسىنىڭ, بەلارۋس جانە رەسەي وداعىنىڭ پارلامەنتتىك جينالىسىنىڭ, ۇقشۇ پارلامەنتتىك اسسامبلەياسىنىڭ جانە تمد اتقارۋ كوميتەتىنىڭ وكىلدەرىنەن 144 بايقاۋشى كىردى.
