قالالىق پوليتسيا دەپارتامەنتىنىڭ مالىمەتىنشە, 3 اقپاندا اۋەزوۆ پوليتسيا ءبولىمىنىڭ كەزەكشى بولىمىنە سەمەي قالاسىندا قوقىس كونتەينەرىنەن سۇلگىگە ورالعان جاڭا تۋعان قىز بالانىڭ مايىتى تابىلعانى تۋرالى حابارلاما تۇسكەن.
«وقيعا ورنىنا جەدەل تۇردە جەدەل-تەرگەۋ توبى كەلدى. العاشقى ءىس-شارالار ءبارىسىندا ۇي جاعدايىندا بوسانعان 20 جاستاعى قىز انىقتالدى. ونىڭ ايتۋىنشا, نارەستە ءولى تۋعان», دەلىنگەن حابارلامادا.
سونداي-اق سوتقا دەيىنگى تەرگەۋ بارىسىندا نارەستەنىڭ ءمايىتىن كونتەينەرگە تاستاعان تۇرعىن انىقتالدى.
بۇل فاكت بويىنشا تەرگەۋ باستالدى. نارەستەنىڭ ءمايىتى ساراپتاماعا جىبەرىلدى, ونىڭ ناتيجەلەرى بويىنشا پروتسەسسۋالدىق شەشىم قابىلدانىپ, وقيعاعا قاتىسى بار ەكى تۇلعانىڭ ارەكەتتەرىنە قۇقىقتىق باعا بەرىلەدى.
جاڭا تۋعان نارەستەلەردى ساتپاق بولعان: مينيسترلىك ادام ساۋداسىنا قاتىستى 39 فاكتىنى انىقتادى
