ەقىۇ توراعاسى قازاقستان پرەزيدەنتى قاسىم-جومارت توقاەۆتىڭ قر كونستيتۋتسياسىنا وزگەرىستەر ەنگىزۋ جونىندەگى رەفورمالار بولىگىندەگى كۇن ءتارتىبى پارلامەنتتى كۇشەيتۋگە مۇمكىندىك بەرەتىنىن مالىمدەدى.
ء«بىز قازاقستاندى ەقىۇ باعدارلاماسىنىڭ ءبىزدىڭ ۇيىمى مەن ءوفيسى ۇسىنا الاتىن بارلىق نارسەنى, رەسۋرستاردى, ءبىلىمدى ءسىزدىڭ ءورشىل ساياسي رەفورمالارىڭىزدى جۇزەگە اسىرۋدا تولىق كولەمدە پايدالانۋعا شاقىرعىمىز كەلەدى», دەدى زبيگنەۆ راۋ.
ەرلان قوشانوۆ ەقىۇ توراعاسىنىڭ ساپارى قازاقستان ءۇشىن ماڭىزدى ساياسي وقيعا – رەفەرەندۋم قارساڭىندا ءوتىپ جاتقانىن اتاپ ءوتتى.
كەزدەسۋ بارىسىندا تاراپتار قازاقستان مەن ەقىۇ-نىڭ ءوزارا ءىس-قيمىلىنىڭ, ەكىجاقتى قازاقستان-پولشا قاتىناستارىنىڭ, ونىڭ ىشىندە ەكى ەل پارلامەنتتەرى اراسىنداعى قارىم-قاتىناستىڭ قازىرگى جاعدايى مەن پەرسپەكتيۆالارىن تالقىلادى.
ەقىۇ توراعاسى وتكەن عاسىردىڭ 30-شى جىلدارىنداعى ساياسي قۋعىن-سۇرگىن كەزىندە قازاقستانعا جەر اۋدارىلعان ونداعان مىڭ پولياكتاردىڭ باسپاناسى مەن قولداۋى ءۇشىن قازاق حالقىنا العىس ايتتى. سونداي-اق ول قازاقستاندا تۇراتىن ەتنيكالىق پولياكتاردىڭ پولياك مادەنيەتى مەن ءتىلىن ۇيرەنۋىنە بارلىق جاعداي جاسالعانى ءۇشىن العىس ءبىلدىردى.
كەزدەسۋ قورىتىندىسى بويىنشا تاراپتار بارلىق دەڭگەيدەگى ىنتىماقتاستىقتى كەڭەيتۋ تۋرالى كەلىستى.
