دەپارتامەنت قىزمەتكەرلەرى كولىك جۇرگىزۋشىلەرى اراسىندا جوعارى سۇرانىسقا يە مەملەكەتتىك تىركەۋ نومىرلىك بەلگىلەرىن بەرۋگە مونيتورينگ جۇرگىزگەن. مونيتورينگ كەزىندە مەملەكەتتىك باج قارجىسىنىڭ تولىق كولەمدە تولەنبەگەنى انىقتالىپ وتىر.
«دەپارتامەنت قىزمەتكەرلەرى جۇرگىزگەن مونيتورينگ ناتيجەسىندە كولىگىنە VIP ءنومىر الۋشىلاردىڭ اراسىندا مەملەكەتتىك باجدى تولەۋدەن جالتارۋ دەرەكتەرى انىقتالدى. ماسەلەن, 2019-2021 جىلدارى بەرىلگەن نومىرلەردى تەكسەرۋ قورىتىندىسىمەن 59 ادامنان مەملەكەتتىك باج ءۇشىن تولەنەتىن 14 ملن تەڭگەدەن استام قارجى بيۋدجەتكە تۇسپەگەنى بەلگىلى بولدى. ال, 78 ادام مەملەكەتتىك باج قارجىسىن تولىق تولەمەگەن. سونىڭ سالدارى - بيۋدجەتكە 2,7 ملن تەڭگەگە جۋىق قارجى تۇسپەي قالعان. سونداي-اق,52 قىزمەت الۋشى 14,4 ملن تەڭگە كولەمىندەگى مەملەكەتتىك باج تولەۋدەن نەگىزسىز بوساتىلعان», دەپ حابارلادى وڭىرلىك دەپارتامەنتتىڭ ءباسپاسوز قىزمەتى.
اتالعان مونيتورينگ ناتيجەسىندە 2019-2021 جىلدارى مەملەكەتكە 31,5 ملن تەڭگەدەن استام قارجىنىڭ زالالى كەلتىرىلگەنى انىقتالدى.
ايانا توعانبەك
