«2021 جىلدىڭ قورىتىندىسى بويىنشا ىشكى تۋريستەر سانى 50% ءوستى. بۇل – 6,9 ملن ادام. اتالعان كورسەتكىش پاندەمياعا دەيىنگى كەزەڭمەن سالىستىرعاندا شامامەن 300 مىڭ ادامعا جوعارى. سونىمەن قاتار 2021 جىلدىڭ قورىتىندىسى بويىنشا شەتەلدىك تۋريستەر سانى ازايدى, بۇنىڭ سەبەبىن كارانتيندىك شارالار مەن سىرتقى شەكارالاردىڭ جابىق بولۋىمەن بايلانىستىرامىز», دەدى د. اباەۆ ۇكىمەت وتىسىندا.
ۇلتتىق ساياباقتارعا كەلۋشىلەردىڭ دە سانى ارتتى. ىلە-الاتاۋى (212 مىڭنان 430 مىڭعا دەيىن), كولساي (83 مىڭنان 160 مىڭعا دەيىن), شارىن (16 مىڭنان 35 مىڭعا دەيىن) سياقتى ۇلتتىق پاركتەرگە كەلۋشىلەر سانىنىڭ ەسەلەپ ءوسۋى ەرەكشە بايقالادى.
«2020 جىلمەن سالىستىرعاندا ورنالاستىرۋ ورىندارىنىڭ سانى 172 داناعا ارتىپ, 3 686 قوناقۇيدى قامتىدى. نومىرلىك قور ءوسىپ, 193 مىڭ توسەك-ورىنعا جەتتى. ءبىر عانا تۇركىستان وبلىسىندا 40 قوناق ءۇي اشىلعان. نەگىزگى ءوسۋ ىشكى تۋريستەر سانىنىڭ ارتۋىمەن بايلانىستى بولىپ وتىر. مىسالى, اقمولا وبلىسىندا كورسەتىلەتىن قىزمەتتەر كولەمى 3 ملرد تەڭگەگە جۋىق, ماڭعىستاۋ جانە تۇركىستان وبلىستارىندا 2 ملرد تەڭگەگە, شىمكەنت قالاسىندا 1 ملرد تەڭگەگە وسكەن», دەدى داۋرەن اباەۆ.
ايانا توعانبەك
