مامىر ايىنىڭ سوڭعى اپتاسىندا ۇيىمداستىرىلعان شاحمات جارىسىندا جەرلەسىمىز بۋندەسليگانىڭ سوڭعى بەس تۋرىنا قاتىسىپ, كومانداسىنا ماڭىزدى جەڭىس سىيلادى. جانسايانىڭ كومانداسى بىرىنشىلىكتىڭ اياقتالۋىنا ءبىر تۋر قالعاندا مەرزىمىنەن بۇرىن جەڭىمپاز اتاندى. اسا تارتىستى وتكەن شەشۋشى تۋردا OSG Baden-Baden كومانداسى SK Schwäbisch Hall ۇجىمىنان ايلاسىن اسىرىپ, 3,5:2,5 ەسەبىمەن باسىم ءتۇستى. ەڭ ماڭىزدىسى, بۇل سىندا جانسايا ابدىمالىك قارسىلاس كومانداداعى وتانداسى دينارا سادۋاقاسوۆانى قاپى قالدىردى.
جانسايا 2019-جىلدان بەرى گەرمانيالىق OSG Baden-Baden كومانداسىندا ونەر كورسەتىپ كەلەدى. ونىڭ كلۋبى بۋندەسليگادا 2018 جىلى توپ جارعان ەدى. OSG Baden-Baden بيىل بۋندەسليگا تاريحىنداعى 12-ءشى جەڭىسىنە قول جەتكىزدى. ال دينارا سادۋاقاسوۆانىڭ كومانداسى ەكىنشى ورىنعا تابان تىرەدى. چەمپيوناتتا بارلىعى 12 كوماندا باق سىنادى.
