جارمەڭكەدە باتىس قازاقستان وبلىسى, جاڭاقالا اۋدانىنىڭ ق.جانتىلەۋوۆ اتىنداعى ساز مەكتەبىنىڭ ۇلتتىق اسپاپتار وركەسترى ونەر كورسەتتى. العاشقى «كۇي جارمەڭكەسىنىڭ» جەڭىمپازى نارقىز قاسىموۆا مەن قازاق ۇلتتىق ونەر ۋنيۆەرسيتەتىنىڭ ستۋدەنتى اقەدىل ۇزاقوۆ ءوز ونەرلەرىن كورسەتىپ, كورەرمەننىڭ قوشەمەتىنە بولەندى. سونداي-اق ءىس-شارا بارىسىندا قاتىسۋشىلار دينا نۇرپەيىسوۆانىڭ ەسكەرتكىشىنە گۇل شوقتارىن قويىپ, كۇيشىنىڭ رۋحىنا تاعزىم ەتتى.
مادەني جيىننىڭ ءبىر ەرەكشەلىگى – كورەرمەن اراسىنان ونەرپازدار ورتاعا شىعىپ, كۇي تارتتى. ەرەكشە ونەرىمەن كوزگە تۇسكەن كورەرمەنگە ۇيىمداستىرۋشىلار اتىنان ۇكىلى دومبىرا مەن «كۇي اناسى» كىتابى تابىستالدى.
«باستامامىزدىڭ ماقساتى – جاس ۇرپاقتىڭ ساناسىنا ءتول ونەرىمىزدى ءسىڭىرۋ. بۇل ءۇردىس الداعى ۋاقىتتا تەك نۇر-سۇلتان قالاسىندا عانا ەمەس, رەسپۋبليكامىزدىڭ بارلىق وڭىرىندە دە جالعاسىن تاپسا دەيمىز. ەلىمىزدەگى قانشاما تالانتتى بالالاردىڭ ونەرىن تاماشالاپ, ءتول ونەرىمىزگە دەگەن ماحابباتىن ارتتىرۋ ماقساتىندا ۇيىمداستىرعان جارمەڭكەمىزگە كەلگەن بارشا كورەرمەنگە العىسىمىزدى بىلدىرەمىز. ۇلتتىق ونەردى سۇيەتىن, دارىپتەيتىن ۇرپاعىمىزدىڭ بارى ءبىزدى قۋانتادى», دەيدى قوعام قايراتكەرى, «كۇي اناسى» رەسپۋبليكالىق قورىنىڭ جەتەكشىسى تولەگەن قۋانىشەۆ.
ەسكە سالا كەتسەك, دينا نۇرپەيىسوۆانىڭ ەسكەرتكىشى بىلتىر «ۇلتتىق دومبىرا كۇنى» قارساڭىندا اشىلعان ەدى. ەسكەرتكىش اۆتورى – ءمۇسىنشى جالىن باۋىرقان.
ەركەناز قورداباي,
ل.ن.گۋميلەۆ اتىنداعى
ەۋرازيا ۇلتتىق ۋنيۆەرسيتەتىنىڭ ستۋدەنتى
