«نانو-وپەرا» بايقاۋى 2013 جىلدان بەرى ەكى جىلدا ءبىر وتەدى. جوعارى كاسىبي قازىلار القاسىنىڭ قۇرامىندا كوركەمدىك جەتەكشىلەر, جەتەكشى حالىقارالىق وپەرا تەاترلارىنىڭ ديرەكتورلارى مەن رەجيسسەرلەرى, تانىمال تەاتر مەنەدجەرلەرى مەن پروديۋسەرلەرى بار.
«بۇل بايقاۋ جاس وپەرا رەجيسسەرلەرىنە ارنالعان. جاس رەجيسسەرلەر ءۇشىن تەاتر الەمىنە جولداما دەسەك تە بولادى. حالىقارالىق بايقاۋدىڭ ماڭىزى زور, ونىڭ ۇستىنە وپەرا ەڭ قىمبات ونەر ءتۇرى. بىرنەشە كەزەڭنەن تۇراتىن ىرىكتەۋ مەن تۋردىڭ ناتيجەسىندە سوڭىندا 6 ۇمىتكەر عانا قالدىق. جالپى 200-دەن استام ادام قاتىستى. ولاردىڭ كوبىسى رەجيسسەر بولىپ جۇمىس ىستەپ جۇرگەندەر», دەدى ەرەنباق تويكەنوۆ تىلشىلەرگە بەرگەن سۇحباتىندا.
وتانداسىمىز حالىقارالىق بايقاۋ بارىسىندا بىرنەشە قويىلىمنان ءۇزىندى كورسەتكەن. اتاپ ايتساق, «سيبيرسكي تسيريۋلنيك», «كارمەن» جانە حور تۋىندىلارى.
سونداي-اق ەرەنباق تويكەنوۆ نەگىزگى جۇلدەدەن بولەك, مەديا سالاسى بويىنشا ءىرى باسىلىمداردىڭ «وپەرالىق رەجيسسۋرا ونەرىنە دەگەن جاسامپاز كوزقاراسى ءۇشىن» جانە «كورەرمەندەر كوزايىمى» سىندى 2 ارنايى سىيلىعىنا يە بولعان.
سالتانات كەنجەباي
