اقتالعان ازاماتتاردىڭ كوبى كەزىندە جەر اۋدارىلعان جانە كۇشتەپ كوشىرىلگەن. بۇل تۋرالى مەملەكەتتىك حاتشىنىڭ ساياسي قۋعىن-سۇرگىن قۇرباندارىن تولىق اقتاۋ جونىندەگى كوميسسيانىڭ جۇمىس ناتيجەلەرى تۋرالى بەرگەن سۇحباتىندا ايتىلدى.
ەرلان كاريننىڭ مالىمەتىنشە, 2020 جىلى قۇرىلعان مەملەكەتتىك كوميسسيانىڭ جۇمىس توپتارىندا 316 ساراپشى-عالىم بار. 261 ادام جابىق مۇراعاتتاردا جۇمىس ىستەگەن. ارحيۆ ماتەريالدارىن ىزدەۋ مەن تالداۋدىڭ ءتيىمدى جۇيەسى جاسالعان. قۇپياسىزداندىرىلعان قۇجاتتار عىلىمي تۇرعىدان وڭدەلىپ, تسيفرلىق فورماتقا كوشىرىلۋدە. الداعى ۋاقىتتا قۋعىن-سۇرگىن بويىنشا تاريحي ماتەريالداردى ءبىر جەرگە توپتاستىراتىن ارنايى پورتال قۇرۋ كوزدەلىپ وتىر.
سالتانات كەنجەباي
