قىرعىزستاننىڭ چولپون-اتا قالاسىندا 18 جاسقا دەيىنگىلەر اراسىندا بەسىنشى ساناتتاعى ITF Juniors تۋرنيرىندە ەراسىل ەردىلدا مەن ۆارۆارا الەكسەەۆا جەكەلەي سىندا وسىنداي دەڭگەيدەگى جارىستاعى العاشقى تيتۋلىنا قول جەتكىزدى. سونداي-اق تۇركيا مەن ارمەنيادا 14 جاسقا دەيىنگىلەر اراسىنداعى Tennis Europe جارىستارىندا دا وتانداستارىمىز توپ جاردى. ەرەۆانداعى Gold Gym Yerevan Cup ءتۋرنيرىنىڭ فينالىندا قازاقستاندىقتار ءوزارا باس جۇلدەنى ساراپقا سالدى. جەكەلەي سىندا ەلوردالىق مانسۇر شاكەن ەۋروپا رەيتينگىندە كوش باستاپ تۇرعان الماتىلىق زاڭعار نۇرلان ۇلىن – 6:2, 3:6, 6:1 ەسەبىمەن ۇتتى.
تۇركيانىڭ ادانا قالاسىنداعى جارىستا قازاقستاندىق جاس تەننيسشىلەر جۇپتىق سىندا ءساتتى ونەر كورسەتتى. قىزدار اراسىندا اقتوبەلىك ەۆا كورىشەۆا ەلوردالىق ارۋجان نۇرانبايمەن بىرگە فينالدا كورت يەلەرىن – 6:3, 6:0 ەسەبىمەن ويسىراتا جەڭدى. جەكەلەي سىندا ە.كورىشەۆا جارتىلاي فينالعا دەيىن جەتسە, ۇلدار اراسىندا الماتىلىق ميحايل ميششەنكو استانالىق دامير دۇيسەنعازينمەن بىرگە شەشۋشى ماتچتا اقتوبەلىكتەر تەمۋدجين ەسكەندىروۆ پەن دانيەل يۋرەكليدى تىزە بۇكتىردى – 6:1, 6:1.
