بۇعان دەيىن جازعانىمىزداي, جارىستىڭ العاشقى كۇنىندە بيىكتىككە سەكىرۋ باسەكەسىندە نادەجدا دۋبوۆيتسكايا 1,93 مەتر ناتيجەسىمەن قولا جۇلدە يەلەنگەن بولسا, ەكىنشى جارىس كۇنىندە ءۇش شاقىرىمعا كەدەرگىلەر ارقىلى جۇگىرۋدە قازاقستاندىق Altai Athletics كلۋبىنىڭ سپورتشىسى, شىققان تەگى كەنيالىق نورا دجەرۋتو توپ جاردى. ۇلتتىق قۇراما كوشباسشىسىنىڭ ۋاقىت كورسەتكىشى – 8.57.97. نورادان كەيىن مارە سىزىعىن باحرەيندىك ۆينفرەد مۋتيلە ياۆي مەن ەفيوپيالىق مەكيدەس ابەبە دەمەۆوز كەستى.
سونداي-اق بەس شاقىرىمدىق جارىستا دەيزي دجەپكەمەي 7-ءشى (14.52.64), كارولينا كيپكيرۋي 8-ورىنعا (15.05.68) جايعاستى. ايتا كەتەيىك, «گاۋھار ليگاسىنىڭ» ءۇشىنشى كەزەڭىندە قازاقستان قۇراماسى ساپىندا العاش رەت 4 اتلەتىمىز ونەر كورسەتتى.
