وبلىستىق تجد ناقتىلاعانداي, گاز-اۋا قوسپاسى كوشەدەگى قۇرىلىس جۇمىستارى كەزىندە پايدا بولعان.
«جارىلىس سالدارىنان ءبىرىنشى قاباتتان بەسىنشى قاباتقا دەيىنگى تەرەزەلەر سىنعان, جارىلىس بولعان پاتەردىڭ جانە وعان ىرگەلەس پاتەردىڭ ىشكى قالقالارى, ءبىرىنشى قاباتتاعى كىرەبەرىس ەسىكتەرى زاقىمدالعان. جوندەۋ جۇمىستارىن جۇرگىزىپ جاتقان ءۇيدىڭ يەسى اۋىر حالدە اۋرۋحاناعا جەتكىزىلدى», دەدى توتەنشە جاعدايلار دەپارتامەنتىنىڭ ءباسپاسوز قىزمەتى.
قۇتقارۋشىلار ءۇيدىڭ 13 تۇرعىنىن ەۆاكۋاتسيالادى, 17 ادام ءوز بەتىمەن شىققان.
«وقيعا ورنىندا وبلىستىق توتەنشە جاعدايلار دەپارتامەنتىنىڭ 25 قىزمەتكەرى مەن جەتى تەحنيكاسى جۇمىس ىستەپ جاتىر», دەپ قوستى توتەنشە جاعدايلار دەپارتامەنتى.
توتەنشە جاعدايلار دەپارتامەنتى ءورتتىڭ الدىن الۋ ءۇشىن كەلەسى ەرەجەلەردى ساقتاۋ كەرەكتىگىن ەسكە سالادى:
تەك قىزمەت كورسەتىلەتىن ەلەكتر قۇرىلعىلارىن پايدالانىڭىز;
قوسۋلى ەلەكتر قۇرىلعىلارىن جانعىش زاتتار مەن اعاش كونسترۋكتسيالارعا جاقىن قويماڭىز;
ەلەكتر جارىعىن ءوشىرۋدى ۇمىتپاڭىز;
ەلەكتر جەلىسىنىڭ شامادان تىس جۇكتەلۋىن تۋدىراتىن ەلەكتر ەنەرگياسىن بىرنەشە قۋاتتى تۇتىنۋشىلاردى (ەلەكتر پليتاسى, ەلەكتر كامينى, شاينەك جانە ت.ب.) ەلەكتر جەلىسىنە ءبىر مەزگىلدە قوسۋعا جول بەرمەۋ;
اشىق وت كوزدەرىن پايدالانباڭىز;
ءورت بولعان جاعدايدا دەرەۋ «101» جانە «112» نومىرلەرىنە حابارلاڭىز.
ايانا توعانبەك
