«قازاقستان رەسپۋبليكاسىنىڭ اۋماعىنان جەكەلەگەن تاۋارلاردى اكەتۋدىڭ كەيبىر ماسەلەلەرى تۋرالى» اشم-ءنىڭ 2021 جىلعى 13 جەلتوقسانداعى بۇيرىعى 2022 جىلعى 1 شىلدەگە دەيىن قولدانىستا بولدى.
ەندى وسى ءونىمدى اكەتۋگە شەكتەۋلەردى 2022 جىلعى 30 قىركۇيەككە دەيىن ۇزارتۋ جوسپارلانىپ وتىر.
ۋاكىلەتتى ورگان 2022 جىلعى 8 شىلدەدەن كەشىكتىرمەي ءوزىنىڭ ينتەرنەت-رەسۋرسىندا 2022 جىلعى شىلدە-قىركۇيەك ارالىعىندا ەل اۋماعىنان كۇنباعىس تۇقىمدارىن اكەتۋگە كۆوتا الۋعا وتىنىمدەر قابىلداۋ تۋرالى حابارلاندىرۋ ورنالاستىرادى.
حابارلاندىرۋدا: تاۋاردىڭ اتاۋى, بولىنەتىن كۆوتانىڭ اي سايىنعى كولەمى, ءبىر ءوتىنىم بەرۋشى ءۇشىن ءوتىنىم بەرۋگە رۇقسات ەتىلەتىن اي سايىنعى ليميت, رەسپۋبليكانىڭ ىشكى نارىعىنا كۇنباعىس مايىن كەپىلدى جەتكىزۋدىڭ كولەمى, كۆوتا الۋ ءۇشىن قاجەتتى قۇجاتتاردىڭ تىزبەسى, وتىنىمدەردى قابىلداۋدىڭ باستالۋ جانە اياقتالۋ كۇنى مەن ۋاقىتى, ۋاكىلەتتى ورگاننىڭ زاڭدى مەكەنجايى, ۋاكىلەتتى ورگان كەڭسەسىنىڭ ەلەكتروندىق مەكەنجايى كورسەتىلەدى.
كۇنباعىس تۇقىمىنا كۆوتا مولشەرى 140 000 توننانى قۇرايدى, 1 شىلدەگە دەيىن ول 125 000 توننانى قۇرادى. كۇنباعىس مايى مەن ونىڭ فراكتسيالارىنا ارنالعان كۆوتا 114 000 توننا بولادى.
قۇجات 10 ماۋسىمعا دەيىن جاريا تالقىلاۋ ءۇشىن اشىق نقا سايتىندا ورنالاستىرىلعان.
