«قارجىلىق مونيتورينگ اگەنتتىگىنىڭ ەلوردالىق دەپارتامەنتى 54 850 اقش دوللارى كولەمىندە جالعان اقشا ۇستاعان جانە ساتقان ءبىر توپ ادامعا قاتىستى قىلمىستىق ءىستى اياقتادى. جاساندى بانكنوتتاردى ەلوردانىڭ ۆاليۋتا ايىرباستاۋ پۋنكتتەرى, بانكوماتتار ارقىلى جەكە ەسەپشوتتاردى تولتىرۋ, سونداي-اق OLIMPBET بۋكمەكەرلىك كەڭسەسىندەگى جەكە شوتتارعا سالۋ ارقىلى اينالىمعا تارتقان. سوت ۇكىمىمەن ازاماتتار جومارت, چەكيەۆ, يمانباەۆ, تولەۋتاي شارتتى تۇردە 5 جىلعا باس بوستاندىعىنان ايىرىلدى», دەلىنگەن حابارلامادا.
وسىعان وراي قارجىلىق مونيتورينگ اگەنتتىگى ازاماتتاردى اباي بولۋعا جانە بەيتانىس ادامداردان شەتەل ۆاليۋتاسىن ساتىپ الماۋعا شاقىردى.
«جالعان اقشا بەلگىلەرى انىقتالعان جاعدايدا دەرەۋ سەنىم تەلەفونىنا حابارلاسىڭىز. جاساندى بانكنوت ەكەنىن انىقتاۋ قىلمىس بولىپ تابىلمايدى. الايدا جالعان اقشا بەلگىلەرىن ساتۋ جانە ولاردى تاراتقانى ءۇشىن قىلمىستىق جاۋاپكەرشىلىك قاراستىرىلعان», دەدى اگەنتتىكتەن.
