ءبىلىم • 29 مامىر، 2022

ۇبت: 43 تالاپكەر تىيىم سالىنعان زاتتاردى قولدانعان

26 رەت كورسەتىلدى

ۇبت-نى وڭاي تاپسىرعىسى كەلەتىن تالاپكەرلەردىڭ ءجيى پايدالاناتىن قۇرالدارى - ۇيالى تەلەفون، جاسىرىن كامەرا، ميكروقۇلاققاپ، قاعاز شپارگالكا، دەپ حابارلايدى Egemen.kz.



تەستكە كىرگىزۋگە تىيىم سالىنعان زاتتار جايىندا ۇلتتىق تەستىلەۋ ورتالىعىنىڭ ديرەكتورى رۋسلان ەمەلباەۆ ايتىپ بەردى.

«بيىل 18-ءشى رەت ءوتىپ جاتقان ۇبت-نىڭ العاشقى اپتاسىندا 22 تالاپكەر تەستىلەۋگە كىرگىزۋ كەزىندە، ال 21 تالاپكەر تەستىلەۋ بارىسىندا تىيىم سالىنعان زاتتاردى قولدانۋعا تىرىسقان. ولار سول ءۇشىن تەست تاپسىرۋ مۇمكىندىگىنەن ايىرىلدى. ال ۇبت-نى كوشىرۋدىڭ وسى اپتاداعى ەڭ «شىعارماشىلىق ءتاسىلى» مىناداي: تاپقىر تەستىلەنۋشىمىز وزىمەن بىرگە الىپ كىرگەن دارۋمەننىڭ سىرتىنا تەست سۇراقتارىن جازىپ، اۋديتوريادان شىعارۋعا تالپىنعان. ونىڭ بۇل ارەكەتى ءبىزدىڭ قىراعى باقىلاۋشىلاردىڭ ارقاسىندا جۇزەگە اسپادى. سەبەبى تەستىلەۋدىڭ بۇكىل پروتسەسى ولاردىڭ تولىق نازارىندا. سوندىقتان تەست تاپسىرماسىن نە ولاردىڭ ءۇزىندىسىن اۋديتوريادان شىعارامىن دەپ ۇمىتتەنبەڭىز»، دەپ جازدى ورتالىق ديرەكتورى Instagram پاراقشاسىندا.

ونىڭ ايتۋىنشا، ەڭبەك ارقاشان اقتالادى. «ۇبت-عا جاقسىلاپ دايىندالىپ، تەك ءوز بىلىمىڭىزگە سەنسەڭىز، ءسىزدى بولاشاق جارقىن ومىرىڭىزدە جاقسى ماراپات كۇتەتىن بولادى. سەبەبى ءبىلىم – ەڭ ماڭىزدى اسپاپ» دەيدى رۋسلان ەمەلباەۆ.



 

سوڭعى جاڭالىقتار

قانت تاپشىلىعى نەدە؟

ەكونوميكا • كەشە

بەنزين قىمباتتايدى

ەكونوميكا • كەشە

اق جەلەڭدىلەرگە العىس

مەديتسينا • كەشە

ادالدىقتىڭ ەتالونى ەدى

قازاقستان • كەشە

بۇيراتاۋ بازارلىعى

تۋريزم • كەشە

ءۇش ۇنسىزدىك

ونەر • كەشە

ۇقساس جاڭالىقتار