ەلوردا • 28 مامىر، 2022

ەلوردادا اۆتوبۋس جولاقتارىن پايدالانۋ بويىنشا ونلاين داۋىس بەرۋ اياقتالدى

66 رەت كورسەتىلدى

ەلوردادا Bus Lane جولاعىن قاربالاس ۋاقىتتان تىس كەزىندە پايدالانۋ بويىنشا ونلاين داۋىس بەرۋ ءوتتى، دەپ حابارلايدى Egemen.kz.



قالا اكىمدىگىنىڭ مالىمەتىنشە، ساۋالناماعا قاتىسقانداردىڭ باسىم كوپشىلىگى قوعامدىق كولىكپەن جۇرەدى. رەسپوندەنتتەردىڭ 67% استامى قوعامدىق كولىك پەن تاكسي ءۇشىن جەكە جولاقتاردىڭ بولعانىن تولىق قولدايدى. سونداي-اق داۋىس بەرۋشىلەردىڭ 14% بۇل ماسەلەگە وڭ قارايدى.

ەسكە سالساق، پيلوتتىق جوبا اياسىندا ابىلاي حان داڭعىلىندا ا.پۋشكين كوشەسىنەن ماناس كوشەسىنە دەيىنگى ۋچاسكەدە اۆتوبۋس جولاعى ەنگىزىلگەن بولاتىن. ياعني اۆتوموبيلدەرگە اۆتوبۋس جولاعىمەن قاربالاس ۋاقىتتاردا جۇرۋگە تىيىم سالىنادى: تاڭعى ساعات 07.30 – 9.30 ارالىعىندا جانە كەشكى ساعات 17.00 – 20.00 ارالىعىندا.

داۋىس بەرۋدەن وتكەندەردىڭ 61% بۇل جاڭالىق تۋرالى بىلەدى. رەسپوندەنتتەردىڭ 33% جۋىعى ابىلاي حان داڭعىلىمەن كۇن سايىن، 18% اپتاسىنا بىرنەشە رەت، تاعى 40% ايىنا ەكى رەت جۇرەدى. ساۋالناماعا قاتىسقانداردىڭ 60% قاربالاس ەمەس ۋاقىتتاردا اۆتوبۋس جولاقتارىمەن وزگە كولىكتەردىڭ جۇرۋىنە رۇقسات بەرۋدىڭ قاجەتى جوق دەپ سانايدى. ازاماتتاردىڭ 70% بۇعان رۇقسات ەتىلگەن جاعدايدا جەدەل جاردەم جانە ءورت ءسوندىرۋ كولىكتەرىنىڭ، اۆاريالىق قىزمەتتەردىڭ شاقىرتۋ ورنىنا جەتۋى قيىندايدى دەپ ەسەپتەيدى.

بۇدان بولەك، رەسپوندەنتتەردىڭ 62% اۆتوبۋستى كۇتۋ ۋاقىتى دا ۇزاراتىنىن ايتىپ وتىر. ايتا كەتەيىك، نۇر-سۇلتاندا قاربالاس ەمەس ۋاقىتتاردا جانە دەمالىس كۇندەرى اۆتوبۋستارعا بولىنگەن جولاقتارمەن وزگە اۆتوكولىكتەرگە جۇرۋگە رۇقسات بەرۋ ماسەلەسى پىسىقتالىپ جاتىر. قالا اكىمدىگى اۆتوبۋس جولاقتارىنىڭ سانىن جوسپارلى تۇردە كوبەيتىپ كەلەدى. بۇگىنگى تاڭدا Bus Lane سانى قالانىڭ 26 كوشەسىندە (73،6 كم) بار.

 

سوڭعى جاڭالىقتار

ورال قوقىس استىندا قالۋى مۇمكىن

ايماقتار • بۇگىن، 16:47

دوللار قايتا قىمباتتادى

قارجى • بۇگىن، 15:58

ۇقساس جاڭالىقتار