وقيعا • 28 مامىر، 2022

«بۋراباي» ۇلتتىق پاركىندە 14 ءورت اۋىزدىقتالدى

24 رەت كورسەتىلدى

«بۋراباي» ۇلتتىق پاركىندە ەكى كۇندە 14 ءورت جاعدايى تىركەلدى. ءورت سوندىرۋشىلەر 600 مەتر بيىكتىككە سۋدى قولمەن تاسىپ، جالىندى اۋىزدىقتادى. بۇل تۋرالى قازاقستان رەسپۋبليكاسى پرەزيدەنتى ءىس باسقارۋشىسى ايبەك دادەباەۆ Telegram-دا جازدى، دەپ حابارلايدى Egemen.kz.



«وسى كۇندەرى «بۋراباي» مەملەكەتتىك ۇلتتىق پاركىنىڭ قىزمەتكەرلەرى تاۋلىك بويى ورماندى ورتتەن قۇتقارۋ ءۇشىن تالماي جۇمىس ىستەدى. 26 مەن 27 مامىردا ۇلتتىق پاركتىڭ جەتى ورمانشىلىعىندا نايزاعاي سالدارىنان 14 توتەنشە جاعداي تىركەلدى. شالت قيمىلداعان مامىنداردىڭ ارقاسىندا ءورت 10-20 مينۋتتىڭ ىشىندە تولىق اۋىزدىقتالدى»، دەپ جازدى ا.دادەباەۆ.

ونىڭ مالىمەتىنشە، تۇتانعان جالىن تۋرالى بارلىق مالىمەتتى Smart Burabay مونيتورينگ جۇيەسى انىقتادى: توتەنشە جاعدايدىڭ تۋىنداعانى جايلى سيگنال جەدەل باسقارۋ ورتالىعىنىڭ پۋلتىنە كەلىپ تۇسكەن سوڭ، بىردەن وپەراتورلار ءورت ءسوندىرۋ توپتارىنا حابار بەرگەن. وتپەن 35 مامان كۇرەسكەن.

«پرەزيدەنت ءىس باسقارماسىنىڭ تاپسىرىسىمەن ەنگىزىلگەن اۆتوماتتاندىرىلعان زاماناۋي جۇيەلەردىڭ ارقاسىندا ورماندا ءورتتى انىقتاۋدىڭ ورتاشا ۋاقىتى - 2 مينۋت. نايزاعاي ءتۇسىپ، وت تۇتانعان ەڭ بيىك نۇكتە بۋرا تاۋى بولدى (690 مەتر). اۋماق تاستى-توپىراقتى جانە تىك ەڭسەلى بولىپ كەلگەندىكتەن ءورت سوندىرۋشىلەر سۋدى قولمەن 600 مەتر بيىكتىككە تاسۋعا ءماجبۇر بولعان. ءتىلسىز جاۋدى دەر كەزىندە اۋىزدىقتاپ، تابيعاتقا زيان كەلتىرۋگە جول بەرمەگەن بارلىق جانعا العىس بىلدىرەمىن!»، دەپ جازدى قر پرەزيدەنتى ءىس باسقارۋشىسى.

 

سوڭعى جاڭالىقتار

ورال قوقىس استىندا قالۋى مۇمكىن

ايماقتار • بۇگىن، 16:47

دوللار قايتا قىمباتتادى

قارجى • بۇگىن، 15:58

ۇقساس جاڭالىقتار