مەديتسينا • 27 مامىر، 2022

بالالاردىڭ ساۋىقتىرۋ ءىس-شارالارىنا 26،1 ملرد تەڭگەگە شارت جاسالدى

23 رەت كورسەتىلدى

2020 جىلى مەكتەپ مەديتسيناسى قارجىلاندىرۋدىڭ جەكە باعىتىنا شىعارىلدى. ول كەزدە وعان 18،5 ملرد تەڭگە، ال 2021 جىلى 22،2 ملرد تەڭگە ءبولىندى. بيىلعى جىلى مەكتەپ وقۋشىلارى ءۇشىن كاسىپتىك قاراۋ مەن ساۋىقتىرۋ ءىس-شارالارىنا 26،1 ملرد تەڭگەگە شارت جاسالدى، دەپ حابارلايدى Egemen.kz الەۋمەتتىك مەديتسينالىق ساقتاندىرۋ قورىنىڭ اقپاراتىنا سىلتەمە جاساپ. 
 

بالالاردىڭ دەنساۋلىعى – ەل دامۋىنىڭ ماڭىزدى باسىمدىقتارىنىڭ ءبىرى. بالالار جەڭىلدىكتى ساناتقا كىرەدى جانە مەملەكەت ەسەبىنەن ءمامس-تە ساقتاندىرىلعان. تەگىن مەديتسينالىق قىزمەتتەردى بالالار مەديتسينالىق ساقتاندىرۋ قورىمەن شارت جاساسقان مەديتسينالىق ۇيىمداردان الا الادى.

«وسى جىلى قور ءبىلىم بەرۋ ۇيىمدارىندا مەديتسينالىق قىزمەت كورسەتۋگە 436 ەمحانامەن 26،1 ملرد تەڭگەگە جۋىق سوماعا شارت جاسادى. سالىستىرۋ ءۇشىن: 2020 جىلى مەكتەپ مەديتسيناسىنىڭ قىزمەتىن 417 مەديتسينالىق ۇيىم، 2021 جىلى – 430 مەديتسينالىق ۇيىم كورسەتتى، شارتتاردىڭ قۇنى 22،2 ملرد تەڭگەنى قۇرادى. الدىن الا قورىتىندى بويىنشا، 2022 جىلدىڭ 1 توقسانىندا مەكتەپ مەديتسيناسى قىزمەتى شامامەن 6،4 ملرد تەڭگەگە كورسەتىلدى»، دەلىنگەن قور تاراتقان مالىمەتتە. قوردا اتاپ وتكەندەي، مەكتەپ مەديتسيناسىنىڭ ءمانى – ءبىلىم بەرۋ ۇيىمدارىنداعى بالالاردى قاجەتتى مەديتسينالىق قىزمەتتەرمەن قامتاماسىز ەتۋ. بۇل جۇمىس مەكتەپ نەمەسە بالاباقشا ورنالاسقان اۋماققا قاراستى ەمحانا جاۋاپكەرشىلىگىندە بولادى. ول ءۇشىن مەكتەپتە مەديتسينا قىزمەتكەرىنىڭ جابدىقتالعان كابينەتتەرى بار ارنايى قىزمەت قۇرىلادى.

پروفيلاكتيكالىق تەكسەرۋ نەمەسە ۆاكتسيناتسيا جۇرگىزۋ ءۇشىن مەكتەپكە (نەمەسە بالاباقشاعا) ءتيىستى پروفيلدەگى دارىگەرلەر كەلەدى. مۇنداي ءىس-شارالار الدىن-الا جوسپارلانادى، جانە اتا-انالار ولار تۋرالى حاباردار ەتىلەدى.

مەكتەپ مەديتسيناسىنىڭ تاريفىنە ۆاكتسيناتسيا، جىل سايىنعى پروفيلاكتيكالىق تەكسەرۋ، ءتىس دارىگەرىنىڭ تىكەلەي وقۋ ورنىندا وتكىزىلەتىن تەكسەرۋى كىرەدى. سونداي-اق وقۋ ورنىنداعى دارىگەرلەر بالالاردىڭ سالاۋاتتى ءومىر سالتىن ۇستانۋى بويىنشا ءىس-شارالار وتكىزەدى. ەگەر كاسىبي تەكسەرۋدە پاتولوگيا انىقتالعان بولسا، وندا بالا تىركەلگەن جەرى بويىنشا ەمحاناعا تەرەڭدەتىلگەن مەديتسينالىق تەكسەرۋگە جىبەرىلەدى.

بالالاردىڭ ۆاكتسيناتسيالاۋى اتا-انالارىنىڭ كەلىسىمىمەن ۇلتتىق ەگۋ كۇنتىزبەسى بويىنشا جۇرگىزىلەدى. شۇعىل جاعدايلاردا مەديتسينالىق پۋنكتتە جەدەل جاردەم بريگاداسى كەلگەنگە دەيىن بالالارعا العاشقى كومەك كورسەتىلەدى.

وسىلايشا، مەكتەپ مەديتسيناسى مەكتەپ وقۋشىلارىنىڭ دەنساۋلىق جاعدايىن ۇزدىكسىز باقىلاۋدى قامتاماسىز ەتۋگە جانە قاجەت بولعان جاعدايدا ۋاقىتىلى العاشقى كومەك كورسەتۋگە مۇمكىندىك بەرەدى.

 

سوڭعى جاڭالىقتار

دوللار باعامى ءوستى

قارجى • بۇگىن، 16:12

ۇقساس جاڭالىقتار