ايماقتار • 27 مامىر، 2022

232 ماڭعىستاۋلىق كولىك جۇرگىزۋشى كۋالىگىنەن ايىرىلدى

16 رەت كورسەتىلدى

ماڭعىستاۋ وبلىسىندا جىل باسىنان بەرى 232 ادام كولىك جۇرگىزۋ قۇقىعىنان ايىرىلىپ، اكىمشىلىك قاماۋعا الىندى. بۇل تۋرالى ايماق باسشىسىنىڭ توراعالىعىمەن وتكەن قۇقىق بۇزۋشىلىقتىڭ الدىن الۋ جونىندەگى ۆەدومستۆوارالىق كوميسسيانىڭ وتىرىسىندا ايتىلدى، دەپ حابارلايدى Egemen.kz وبلىس اكىمدىگىنە سىلتەمە جاساپ.

ماڭعىستاۋ وبلىسى پوليتسيا دەپارتامەنتىنىڭ باستىعى ايان دۇيسەمباەۆتىڭ بايانداۋىنشا، وسى جىلدىڭ 4 ايىندا 42 900 قۇقىق بۇزۋشىلىق انىقتالىپ، 300 ملن تەڭگە كولەمىندە ايىپپۇل سالىنعان. سونىڭ ىشىندە جول ەرەجەسىن بۇزعان جۇرگىزۋشىلەردىڭ ايىپپ ۇلى - 218 ملن تەڭگە.

سونىمەن قاتار 232 ادام كولىك جۇرگىزۋ قۇقىعىنان ايىرىلىپ، اكىمشىلىك قاماۋعا الىنعان.

كوميسسيا وتىرىسىندا «قاۋىپسىزدىكتى قامتاماسىز ەتۋدىڭ سەرۆيستىك تاسىلدەرىن ەنگىزۋ» جوباسىن ىسكە اسىرۋ، جول قاۋىپسىزدىگىن قامتاماسىز ەتۋ جانە جولداردىڭ ينفراقۇرىلىمىن جاقسارتۋ ماسەلەلەرى تالقىلاندى.

وبلىستا قازىر جول ەرەجەلەرىن بۇزۋ فاكتىلەرىن اۆتوماتتى تۇردە ەسەپكە الاتىن 19 تەحنيكالىق قۇرال ورناتىلعان. اقتاۋ قالاسىندا – 16، جاڭاوزەن قالاسىندا – 3 قۇرال جۇمىس ىستەپ تۇر.

ءوڭىر باسشىسى نۇرلان نوعاەۆ ەلدى مەكەندەر اراسىنداعى جولدارعا ينتەللەكتۋالدى بەينەباقىلاۋ جۇيەسىن ەنگىزۋدى جەدەلدەتۋدى تاپسىردى.

سوڭعى جاڭالىقتار

دوللار باعامى ءوستى

قارجى • بۇگىن، 16:12

ۇقساس جاڭالىقتار