رەفەرەندۋم-2022 • 27 مامىر، 2022

رەفەرەندۋمعا لاتۆيالىق باقىلاۋشىلار كەلەدى

45 رەت كورسەتىلدى

قازاقستان ەلشىسى تيمۋر پىرىمبەتوۆ لاتۆيا رەسپۋبليكاسى ورتالىق سايلاۋ كوميسسياسىنىڭ (وسك) ءتورايىمى كريستينا بەرزينيامەن كەزدەستى، دەپ حابارلايدى Egemen.kz.

پىرىمبەتوۆ 2022 جىلعى 5 ماۋسىمدا ەلىمىزدە وتەتىن قازاقستان رەسپۋبليكاسىنىڭ كونستيتۋتسياسىنا وزگەرىستەر مەن تولىقتىرۋلار ەنگىزۋ تۋرالى جالپىۇلتتىق رەفەرەندۋمعا دايىندىق بارىسى تۋرالى ايتىپ بەردى.

ەلشى كونستيتۋتسيالىق رەفورما جۇيەلى سيپاتقا يە ەكەنىن جانە پرەزيدەنت قاسىم-جومارت توقاەۆ باستاماشىلىق ەتكەن «جاڭا قازاقستاندى» قۇرۋ جونىندەگى اۋقىمدى ساياسي رەفورمالاردى ىسكە اسىرۋعا باعىتتالعانىن اتاپ ءوتتى.

رەفەرەندۋمعا قويىلاتىن ماسەلەلەر بيلىك تارماقتارى اراسىنداعى ءوزارا قارىم-قاتىناستاردىڭ وڭتايلى تەڭگەرىمىن قالىپتاستىرۋ جانە مەملەكەت پەن قوعام اراسىندا ءتيىمدى ديالوگ قۇرۋ ماقساتىندا قولدانىستاعى ساياسي مودەلدىڭ تۇجىرىمدامالىق ترانسفورماتسياسىنا قاتىستى.

ك.بەرزينيا قازاقستان وسك توراعاسىنىڭ شاقىرۋىمەن لاتۆيالىق تاراپ ەلىمىزگە رەفەرەندۋمنىڭ حالىقارالىق باقىلاۋشىلارى رەتىندە ەكى وكىلدى جىبەرەتىنىن حابارلادى. لاتۆيا وسك باسشىسى بيىلعى قازاندا وتەتىن لاتۆياداعى پارلامەنتتىك سايلاۋعا دايىندىق بارىسى تۋرالى دا ايتتى.

كەزدەسۋ سوڭىندا تاراپتار ەكى ەلدىڭ سايلاۋ كوميسسيالارى اراسىنداعى سىندارلى ىنتىماقتاستىقتى جالعاستىرۋعا مۇددەلى ەكەندەرىن راستادى.

سوڭعى جاڭالىقتار

دوللار باعامى ءوستى

قارجى • بۇگىن، 16:12

ۇقساس جاڭالىقتار