ەلوردا • 27 مامىر، 2022

ەلوردادا تۇرعىن ءۇي-كوممۋنالدىق شارۋاشىلىعىنىڭ فورۋمى وتەدى

28 رەت كورسەتىلدى

تۇرعىن ءۇي-كوممۋنالدىق شارۋاشىلىعىنىڭ ءبىرىنشى فورۋمى ەلوردادا 28 مامىردا وتەدى. ءىس-شارا حالىققا تۇرمىستىق قىزمەت كورسەتۋ جانە تۇرعىن ءۇي-كوممۋنالدىق شارۋاشىلىق ماماندىقتارىنا ارنالعان، دەپ حابارلايدى Egemen.kz قالا اكىمدىگىنىڭ رەسمي سايتىنا سىلتەمە جاساپ. 

 

تكش-نىڭ ءبىرىنشى فورۋمى استانا مۇلكىنىڭ مەنشىك يەلەرىنىڭ كوپپاتەرلى تۇرعىن ۇيلەرىن باسقارۋ جانە كۇتىپ ۇستاۋ ساپاسىن ارتتىرۋعا باعىتتالعان شارالار مەن ءىس-قيمىلداردى جۇزەگە اسىرۋ ماقساتىندا وتكىزىلەدى. تكش-نىڭ قولدانىستاعى رەفورماسى ورتاق م ۇلىكتى باسقارۋ پروتسەستەرىنىڭ وزگەرۋىنە جانە جاڭا جۇمىس ورىندارىنىڭ قۇرىلۋىنا الىپ كەلدى، وسى سالاداعى كاسىبي شەشىمدى تالاپ ەتەتىن پروبلەمالار انىقتالدى.

مەنشىك يەسى تاراپىنان ءوزىنىڭ تۇرعىن ءۇيىن كۇتىپ-ۇستاۋ ساپاسىنا دەگەن قىزىعۋشىلىقتىڭ ارتۋى تكش سالاسىنىڭ قىزمەتكەرلەرىنە دەگەن كوزقاراستى وزگەرتۋ، سونداي-اق ۇزدىكسىز قىزمەتتى كوپ پاتەرلى تۇرعىن ۇيلەردى باسقارۋعا جانە كۇتىپ-ۇستاۋعا بايلانىستى ماسەلەلەردە ەلوردا تۇرعىندارىن اعارتۋعا باعىتتاۋ قاجەتتىگىن كورسەتەدى.

تۇرعىن ءۇي-كوممۋنالدىق شارۋاشىلىق سالاسىندا ۇزدىكسىز ءبىلىم الۋ ءۇشىن تۇرعىن ءۇي-كوممۋنالدىق شارۋاشىلىق سالاسىنداعى ماماندىقتارعا دەگەن كوزقاراستى قوسىمشا قايتا قاراپ، كادرلىق الەۋەتتى دامىتۋ جانە جۇمىسشى كاسىپتەردى تانىمال ەتۋ ءۇشىن جاعداي جاساۋ قاجەت. فورۋم مەنشىك يەلەرى ينستيتۋتىن رەفورمالاۋدى ەنگىزۋدىڭ نەگىزگى ماقساتتارىنىڭ ورىندالۋىن قامتاماسىز ەتۋگە مۇمكىندىك بەرەدى. ءىس-شارا اياسىندا قاتىسۋشىلار قىزمەت جەتكىزۋشىلەرىن اۋىستىرۋ، ونلاين رەجيمدە داۋىس بەرۋدى وتكىزۋ تەتىكتەرى مەن قۇرالدارىمەن، سونداي-اق قالانىڭ تۇرعىن ءۇي قورىن جاقسارتۋ ءۇشىن جاعداي جاساۋ جونىندەگى نەگىزگى قادامدارمەن تانىسا الادى.

سونىمەن قاتار فورۋم الاڭى نارىق قاتىسۋشىلارىنا قىزمەت كورسەتۋشىلەردىڭ وزەكتى ءتىزىمىن قالىپتاستىرۋعا، ورتاق م ۇلىكتى باسقارۋدا ءبىلىم مەن داعدىلار الۋعا، تۇرعىن ءۇي قاتىناستارىنىڭ اشىق جانە باسەكەلەس نارىعى ءۇشىن ودان ءارى جاعدايلاردى دامىتۋعا مۇمكىندىك بەرەدى.


سوڭعى جاڭالىقتار

دوللار باعامى ءوستى

قارجى • بۇگىن، 16:12

ۇقساس جاڭالىقتار