قوعام • 27 مامىر، 2022

ءسىم اقجارقىن تۇرلىبايدى قازاقستانعا ەكستراديتسيالاۋ تۋرالى پىكىر ءبىلدىردى

32 رەت كورسەتىلدى

سىرتقى ىستەر مينيسترلىگى وكىلى قىتاي تۇرمەسىندە ءومىر بويى جازاسىن وتەپ جاتقان قازاقستاندىق اقجارقىن تۇرلىبايعا قاتىستى پىكىر ءبىلدىردى، دەپ حابارلايدى Egemen.kz.

ءسىم ءباسپاسوز قىزمەتىنىڭ مالىمەتىنشە، قازىر اقجارقىن تۇرلىبايدى قازاقستانعا بەرۋ ماسەلەسى پىسىقتالىپ جاتىر.

«قازىر ەكى ەلدىڭ باس پروكۋراتۋراسى اراسىندا جازا مەرزىمىن ودان ءارى وتەۋ ءۇشىن ونى قازاقستانعا بەرۋ مۇمكىندىگىنە قاتىستى ءتيىستى جۇمىستار جالعاسىپ جاتىر»، دەدى ۆەدومستۆونىڭ ءباسپاسوز قىزمەتى.

قازاقستاندىق ديپلوماتتار اقجارقىن تۇرلىبايمەن ۇنەمى بايلانىستا.

«ول اعىلشىن جانە قىتاي تىلدەرىن ۇيرەنىپ جاتىر. دەنساۋلىعىنا قاتىستى شاعىم جوق، كوڭىل كۇيى قالىپتى»، دەلىنگەن ءسىم حابارلاماسىندا.

ەسكە سالايىق، بۇعان دەيىن ادۆوكات سۇڭقار نۇرماعامبەتوۆ اقجارقىن تۇرلىبايعا قاتىستى ءمان-جايدى تۇسىندىرگەن بولاتىن.

ونىڭ ايتۋىنشا، قىتاي تۇرمەسىنە ءومىر بويىنا سوتتالعان قازاقستاندىقتى ەكستراديتسيالاۋ تۋرالى ويلاۋ ءالى ەرتە. ماسەلە ءالى شەشىلگەن جوق.

 

سوڭعى جاڭالىقتار

قانت تاپشىلىعى نەدە؟

ەكونوميكا • كەشە

بەنزين قىمباتتايدى

ەكونوميكا • كەشە

اق جەلەڭدىلەرگە العىس

مەديتسينا • كەشە

ادالدىقتىڭ ەتالونى ەدى

قازاقستان • كەشە

بۇيراتاۋ بازارلىعى

تۋريزم • كەشە

ءۇش ۇنسىزدىك

ونەر • كەشە

ۇقساس جاڭالىقتار