قوعام • 27 مامىر، 2022

قازاقستاندا ەلەكتروندى تەمەكىگە تىيىم سالىنۋى مۇمكىن

34 رەت كورسەتىلدى

«تەمەكى تۇتىنىنەن ازات قازاقستان ءۇشىن» ۇلتتىق كواليتسياسىنىڭ كوشباسشىسى ءجاميلا سادىقوۆا ەلەكتروندى شىلىمنىڭ اكتسيزىن قىمباتتاتۋدى ۇسىندى، دەپ حابارلايدى Egemen.kz.

«قىزدىرىلاتىن تەمەكىنىڭ ءار داناسىنا اكتسيز ەنگىزۋدەن بولەك ساۋد ارابياسى مەن بىرىككەن اراب امىرلىكتەرىنىڭ جاقسى تاجىريبەسى بار – ەلەكتروندى شىلىم قۇرىلعىسىنىڭ قۇنىنان 50 پايىز الىم تولەنەدى. مىسالى ءبىر رەت قولدانۋعا ارنالعان ەلەكتروندى شىلىمنىڭ باعاسى 2 مىڭ تەڭگە بولسا، اكتسيزى مىڭ تەڭگە بولادى. سونىڭ ەسەبىنەن قۇنى 3-3،5 مىڭ تەڭگەگە قىمباتتايدى»، دەدى ءجاميلا سادىقوۆا ورتالىق كوممۋنيكاتسيالار قىزمەتىندە وتكەن بريفينگىدە.

ساراپشىنىڭ سوزىنە قاراعاندا، وسىنىڭ ارقاسىندا ەلەكتروندى شىلىمعا بالالاردىڭ قول جەتكىزۋى قيىنداماق.

ء«بىز دە وسىنداي اكتسيز ەنگىزسەك، ەلەكتروندى شىلىمنىڭ قولدانىسىن شەكتەپ، سول شەكتەۋلى ساۋدانىڭ وزىنەن جاقسى تابىس كورۋگە مۇمكىندىك الامىز. ياعني ونداي ساياساتتان مەملەكەت ۇتادى. ۋكراينادا ەلەكتروندى شىلىم اكتسيزىنەن جىل سايىن 200 ملرد تەڭگەدەي كىرىس ءتۇسىپ وتىرعان. ءبىز جىل سايىن 80 ملرد تەڭگە كىرىس كىرگىزە الامىز. بۇدان تەك تاباك يندۋسترياسى عانا زارداپ شەگەدى»، دەدى قوعامدىق ۇيىم باسشىسى.

ۇلتتىق كواليتسيا جەتەكشىسى قازاقستان اۋماعىندا ەلەكتروندى شىلىمنىڭ اينالىمىن شەكتەۋدى ۇسىنىپ وتىر.

«ازىرگە ۆەيپتەردىڭ اينالىمىنا تىيىم سالىنباعاندىقتان، تەك دەپۋتاتتاردىڭ ۇسىنىسى كۇيىندە قالىپ كەلە جاتقاندىقتان، بۇل نارىقتان سالىق ءوندىرۋ كەرەك. ياعني، نارىقتا بار كەزىندە جاقسى سالىق ءوندىرىپ قالۋ قاجەت. ول بيۋدجەتتىڭ كىرىسىنە تۇسەدى. ء«تۇتىنسىز» شىلىمعا تىيىم 2020 جىلى سالىندى. ەكى ايدىڭ ىشىندە تىيىم كۇشىنە ەندى دە، نارىق ودان اۋىر زارداپ شەككەن جوق. قازىر سول كەزدە ەلگە كىرگىزىلىپ ۇلگەرگەن قالدىعى ساتىلىپ جاتىر. كەيىن مۇلدە نارىقتان جوعالادى. دەنساۋلىق ساقتاۋ مينيسترلىگى قولداسا، ۆەيپتەردىڭ ساتىلىمىنا دا ءبىر جىلدىڭ ىشىندە تىيىم ورناتۋعا بولادى»، دەدى ءجاميلا سادىقوۆا.

سوڭعى جاڭالىقتار

قانت تاپشىلىعى نەدە؟

ەكونوميكا • كەشە

بەنزين قىمباتتايدى

ەكونوميكا • كەشە

اق جەلەڭدىلەرگە العىس

مەديتسينا • كەشە

ادالدىقتىڭ ەتالونى ەدى

قازاقستان • كەشە

بۇيراتاۋ بازارلىعى

تۋريزم • كەشە

ءۇش ۇنسىزدىك

ونەر • كەشە

ۇقساس جاڭالىقتار