وتكەن اپتادا ەركىن ساتىلىمدا كەلىسى 540-580 تەڭگەدەن ساۋدالانعان. ساتۋشىلاردىڭ ايتۋىنشا, وتكەن اپتادا قانت بازار سورەلەرىنەن 3-4 كۇنگە جوعالىپ كەتكەن.
«باعانى تۇراقتاندىرۋ ماقساتىندا ءىرى ساۋدا ورىندارىنا, بازارلارعا قانتتىڭ تاۋلىكتىك نورماسى جەتكىزىلۋدە. بۇدان بولەك, كوممەرتسيالىق قانت باسقا ساۋدا ورىندارىندا دا جەتكىلىكتى. ال كونديتەرلىك كاسىپورىندارعا ءۇش فيرما قانتتىڭ كەلىسىن 485 تەڭگەدەن وتكىزىپ جاتىر.
جالپى, بيىل ءبىز 816 توننا – 12 ۆاگون قانت ساتىپ الدىق. قازىر تۇراقتاندىرۋ قورىنداعى بىلتىر الىنعان قانت ساتىلىپ جاتىر. ءساۋىر ايىندا «ازىق ت ۇلىك كورپوراتسياسى» ۇك» اق ارقىلى قوسىمشا 136 توننا ساتىپ الىندى», دەيدى سقو كاسىپكەرلىك جانە يندۋستريالدى-يننوۆاتسيالىق دامۋ باسقارماسىنىڭ ءبولىم باسشىسى ءلاززات عالەەۆا.
مامانداردىڭ ايتۋىنشا, قازىرگى ۋاقىتتا تۇراقتاندىرۋ قورىندا 406 توننا قانت بار.
«تۇراقتاندىرۋ قورىنداعى قانت الەۋمەتتىك-كاسىپكەرلىك كورپوراتسياسىنىڭ ساۋدا ورىندارىنا, ءىرى ساۋدا جەلىلەرىنە, سۋپەرماركەتتەرگە, ساۋدا ۇيلەرىنە جەتكىزىلەدى. بازارلاردا عانا ءبىزدىڭ 6 ساۋدا ورنىمىز بار. بۇل جەرلەردە باعاسى – 330 تەڭگە. ساۋدا ورىندارى ۇستىنەن 20 تەڭگە قوسىپ ساتا الادى. تەك ءبىر عانا ءىرى ساۋدا جەلىسى ارقىلى اپتاسىنا 12 توننا قانت ساتىلادى», دەيدى «سولتۇستىك» اكك ۇك اق باسقارما توراعاسىنىڭ ورىنباسارى عامالي جۇماشوۆ.
تۇراقتاندىرۋ قورىنداعى قانت كۇزگە دەيىن عانا جەتەدى, سول سەبەپتى قازىر كوكسۋ قانت زاۋىتىمەن كەلىسسوز جۇرگىزىلىپ جاتىر.
«زاۋىتتار دا قانتتىڭ باعاسىن كوتەرىپ جىبەردى. مىسالى, كوكسۋ قانت زاۋىتى بىزگە قانتتىڭ كەلىسىن 430 تەڭگەدەن ۇسىنىپ وتىر. ءبىز ازىرگە ول باعانى قىمباتسىنىپ, كەلىسىمگە كەلگەن جوقپىز», دەيدى عامالي جۇماشوۆ.
