تاعايىنداۋ • 27 مامىر، 2022

نۇر-سۇلتان قالاسى مەن قاراعاندى وبلىسىنىڭ پروكۋرورى تاعايىندالدى

28 رەت كورسەتىلدى

باس پروكۋرور مەملەكەت باسشىسىنىڭ كەلىسىمىمەن نۇر-سۇلتان قالاسى مەن قاراعاندى وبلىسىنىڭ پروكۋرورىن تاعايىندادى، دەپ حابارلايدى Egemen.kz.

بۇيرىققا سايكەس، III ساناتتاعى مەملەكەتتىك ادىلەت كەڭەسشىسى باۋىرجان قىپشاق ۇلى مىرزاكەروۆ قاراعاندى وبلىسىنىڭ پروكۋرورى بولدى. بۇعان دەيىن ول ەلوردا پروكۋراتۋراسىن باسقارعان.

مىرزاكەروۆ ەڭبەك جولىن 1997 جىلى قاپشاعاي گارنيزونىندا اسكەري پروكۋروردىڭ كومەكشىسى بولىپ باستاعان. وسىدان كەيىن شىمكەنت، وسكەمەن، سارىوزەك پەن قاپشاعاي گارنيزوندارىندا اسكەري پروكۋراتۋرادا باسشىلىق قىزمەتتەر اتقاردى. باس اسكەري پروكۋروردىڭ ورىنباسارى بولدى. پاۆلودار وبلىستىق پروكۋراتۋراسىندا جۇمىس ىستەدى. ارتىنان باس پروكۋراتۋرادا زاڭدى كۇشىنە ەنگەن ۇكىمدەردى ورىنداۋ مەن زاڭدىلىعىن قاداعالاۋ قىزمەتىنە جەتەكشىلىك ەتتى.

2019 جىلدان بەرى نۇر-سۇلتان قالاسى پروكۋراتۋراسىن باسقاردى. بۇگىن ونىڭ ورنىنا اعا ادىلەت كەڭەسشىسى ەرلان راقىمجان ۇلى وتەگەنوۆ تاعايىندالدى.

وتەگەنوۆ تە پروكۋراتۋرا ورگاندارىندا 1997 جىلدان بەرى ىستەپ كەلەدى. الماتى، وڭتۇستىك قازاقستان، اقمولا وبلىستارى مەن الماتى قالاسىنىڭ پروكۋراتۋرالارىندا ەڭبەك ەتتى، باسشىلىق قىزمەتتەر اتقاردى. الماتى قالالىق تابيعاتتى قورعاۋ پروكۋرورى مەن قاراساي اۋداندىق پروكۋرورىنىڭ ورىنباسارى بولدى. ال اقمولا وبلىسىندا تسەلينوگراد جانە ەگىندىكول اۋداندىق پروكۋرورى، سونداي-اق الماتى وبلىسىنىڭ تالعار اۋداندىق پروكۋرورى بولىپ جۇمىس ىستەدى. قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتتىڭ الماتى قالاسى بويىنشا باسقارماسىن باسقاردى.

2019 جىلدىڭ ماۋسىم ايىنان بەرى نۇر-سۇلتان قالاسى پروكۋرورىنىڭ ورىنباسارى بولدى.

سوڭعى جاڭالىقتار

كيىكتەر كىمگە كەدەرگى؟

قازاقستان • كەشە

ەكى اۋىلعا گاز جەتتى

ايماقتار • كەشە

ينفلياتسيا يىلە مە؟

قوعام • كەشە

ءدارى مەن ءسوز ءدارۋى

مەديتسينا • كەشە

«التايداي جەر قايدا؟!»

ايماقتار • كەشە

ۇقساس جاڭالىقتار