رەفەرەندۋم-2022 • 27 مامىر، 2022

ەلىمىزدىڭ تابىسى – ءاربىر جاستىڭ ەنشىسىندە

71 رەت كورسەتىلدى

ءبىلىم جانە عىلىم ۆيتسە-ءمينيسترى ايبات ءىلياسوۆتىڭ «بولاشاق» حالىقارالىق باعدارلاماسىنىڭ ستيپەندياتتارىمەن ونلاين كەزدەسىپ، جيىنعا قاتىسۋشىلارمەن بىرگە جاڭا قازاقستان قۇرۋداعى كونستيتۋتسيالىق رەفورمانىڭ ماڭىزدىلىعى جونىندە پىكىر الماستى.

باسقوسۋ بارىسىندا ۆيتسە-مينيستر ساياسي ءومىردى ارتاراپ­تان­دىرۋعا باعىت­تالعان كونستي­تۋتس­يالىق رە­فور­ما­لاردىڭ حالىق­ارا­لىق تا­جىري­بەسى تۋرالى اڭگىمەلەدى.

مەملەكەت باسشىسىنىڭ جاڭا قازاقستان قۇرۋداعى اۋقىمدى ساياسي­ رەفورمالار جۇرگىزۋ جونىندەگى باس­تا­مالارىنىڭ ماڭىزدىلىعىن اتاپ وتكەن ا.ءىلياسوۆ ءبىلىم بەرۋ سالاسىن جەتىلدىرۋ سالاسىندا اتقا­رىل­عان جۇمىستارعا دا كەڭىنەن توقتالدى. اتاپ ايتقاندا، ۆيتسە-مينيستر جاڭا فورماتسياداعى مەملەكەت پەن قوعامدى قۇرۋداعى زامان تالابىنا ساي بىلىمدەرى مەن داعدىلارى بار «بولاشاق» ستي­پەن­ديات­تارىنىڭ نەگىزگى ءرولىن ەرەكشە اتاپ ءوتتى.

«ەلىمىزدىڭ تابىستى بولاشاعىن قا­لىپتاستىرۋعا، وعان بەلسەندى قا­تى­سۋعا ءاربىر جاستىڭ مۇمكىندىگى بار. ۇسىنىلعان رەفورمالاردىڭ ماڭىزدىلىعىن ەسكەرە وتىرىپ، ەل تاعدىرىنا بەيجاي قارامايتىن ءاربىر جاستىڭ رەفەرەندۋمعا قاتى­سىپ، جاڭا قازاقستاندى قالىپ­تاس­تىر­ۋعا ءوز ۇلەسىن قوسادى دەپ سانايمىن»، دەدى ا.ءىلياسوۆ.

كەزدەسۋ بارىسىندا «بولاشاق» باعدارلاماسىنىڭ ستيپەندياتتارى شەتەلدىك مەملەكەتتەردىڭ ساياسي رەفورمالارى مەن ستراتەگيالىق دامۋ باعدارلامالارىنىڭ ۇزدىك تاجىريبەسىن، جەتىستىككە جەتۋ مەن وزەك­تىلىكتى قامتاماسىز ەتۋ ءۇشىن جەر­گىلىكتى جاعدايلارعا بەيىم­دەل­ۋىن تالقىعا سالىپ، وسىعان قاتىستى ءوز كوزقاراستارىمەن ءبو­لىستى.

اقش، ەۋروپا جانە ازيا ەلدەرىنىڭ ۇزدىك ۋنيۆەرسيتەتتەرىنەن 30-دان استام «بولاشاق» باع­دار­­لاماسىنىڭ ستيپەندياتى قا­تىس­قان باسقوسۋ بارىسىندا جاڭا قازاقستان – جالپى ەل بولا­شا­عى­نىڭ بەينەسى، قوعامدىق قۇن­دى­لىقتاردى جاڭارتۋ، ۇلتتىڭ جاڭا بولمىسىن قالىپتاستىرۋ تو­ڭى­رە­گىندە دە وي-پىكىرلەر ايتىل­دى.

كەزدەسۋ سوڭىندا جاستار مەم­لەكەت باسشىسىنىڭ كونستي­تۋ­تسيا­عا وزگەرتۋلەر مەن تو­لىق­تى­­­رۋلار ەنگىزۋ جونىن­دەگى ۇسى­نى­سىن ءبىراۋىزدان قولداي­تىن­دىق­­تارىن ايتىپ، رەسپۋب­لي­كا­لىق رە­­فەرەندۋمعا بەلسەندى قاتى­سا­تى­نىن مالىمدەدى.

سوڭعى جاڭالىقتار

اينالما جولدىڭ ازابى

ايماقتار • كەشە

ۇقساس جاڭالىقتار