الەم • 26 مامىر، 2022

قازا تاپقاندار كوپ

56 رەت كورسەتىلدى

دونباستا قيان-كەسكى ۇرىس­ ءجۇرىپ جاتىر. رەسەي اسكەرى بىر­تىندەپ العا جىلجىپ، كەيبىر ەلدى مەكەندى باسىپ الدى. ۋكراينا قارۋلى كۇشتەرى سارباز­دار قورشاۋدا قالىپ قويماس ءۇشىن بىرنەشە سەلونى ءوز ەركىمەن تاستاپ كەتكەنىن مالىمدەدى.

بۇۇ-نىڭ ادام قۇقىقتارى جونىندەگى باسقارماسىنىڭ مالى­مەتتەرىنە سايكەس 24 اقپاننان بەرى ۋكراينادا 3 974 بەيبىت تۇر­عىن قازا تاپقان. مەرت بولعان­داردىڭ 259-ى – بالالار. قايتىس بولعانداردىڭ جارتىسىنان كوبى دونەتسك جانە لۋگانسك وبلىس­تارىنا تيەسىلى. سونداي-اق 2 106 ادام كيەۆكە تاياۋ ماڭداعى اۋماق­­تا باقيعا اتتانعان.

سوعىس باستالعالى قازا تاپ­قان­دار سانى بۇدان الدە­­قايدا كوپ بولۋى مۇمكىن. مۇنى ۇيىم وكىل­دەرى دە مويىن­داپ وتىر. ويتكەنى بۇۇ ادام قۇقىق­تارى جونىندە­گى باسقارماسى تەكسەرىلگەن ناق­تى اقپاراتتارعا عانا سۇيەنەدى. ۋكراينا بيلىگىنىڭ پايىمداۋىنشا، مارۋيپول قالاسىنىڭ وزىندە عانا 20 مىڭ بەيبىت تۇرعىن وپات بولعان.

BBC ارناسىنىڭ حابارلا­ۋىن­شا، رەسەي اسكەرى لۋگانسك وبلى­سىنىڭ ۋكراينا باقىلاۋىنداعى بولىگىنىڭ اكىمشىلىك ورتالىعى سەۆە­رودونەتسكىگە شابۋىلداۋعا كىرىس­كەن. قازىرگى تاڭدا قالا جار­­تى­لاي قورشالعان. ونى ۋكراي­نا­نىڭ باسقا بولىگىمەن باي­لانىس­تى­راتىن نەگىزگى كۇرە جول­عا رەسەي ارتيل­لەريا وعىن جاۋدىرىپ جاتىر.

لۋگانسك وبلىستىق اكىمشى­لىگىنىڭ باسشىسى سەرگەي گايداي سەۆەرودونەتسكىنى رەسەي اسكەر­لە­رى مەن ۇشاقتارى جاپپاي اتقى­لاپ، بومبالاپ جاتقانىن مالىم­دەدى. «تاۋلىك بويى قيراتىپ جا­تىر. ۇشاقتاردان بومبالار تاس­تايدى، «گراد»، «سمەرچ» پەن ارتيللە­ريا­مەن اتقىلايدى»، دەيدى ول.

ءتۇرلى اقپارات قۇرالدارىنىڭ حابارلاۋىنشا، رەسەي اسكەرى سەۆە­­رودونەتسكىگە ءۇش جاقتان شا­بۋىل­عا شىققان. ەندى ءبىر مالى­مەت­تە قالا ماڭىندا ۇرىس ءجۇرىپ جات­قانى ايتىلعان. گايدايدىڭ ايتۋىنشا، رەسەيلىك اسكەر مينومەتپەن اتقىلاۋعا مۇمكىندىك بەرەتىن قا­شىق­تىققا دەيىن جاقىنداعان.

ەۋروپالىق وداق، اقش جانە ۇلىبريتانيا تاراپى رە­سەي­دىڭ قىل­مىستىق ارەكە­تىن جاۋاپ­كەر­شىلىككە تارتۋ ارەكەتتەرىن ۇيلەس­تىرەتىن قاۋىپسىزدىك قىل­مىس­تارى بويىنشا كونسۋلتا­تيۆتىك توپ قۇ­را­تىنىن حابارلادى. ونىڭ نەگىزگى ميسسياسىنا ۋكراينا باس پروكۋراتۋراسىنا كومەكتەسىپ، رەسەي اسكەرلەرىنىڭ قىلمىستارىن جيناقتاۋ، ساقتاۋ جانە تالداۋعا جاردەسۋ كىرمەك. كونسۋلتاتيۆتىك توپقا كىرەتىن ساراپشىلاردىڭ كوپ­شىلىگى قاۋىپ­سىزدىك ماقساتىندا پولشادا ورنالاسادى.

«رەسەيدىڭ ۋكرايناداعى نە­گىز­سىز اسكەري اگرەسسياسى كەزىن­دە جاسالعان جانتۇرشىگەرلىك زۇ­­لىمدىق جاساعاننىڭ ءبارىن جا­ۋاپقا تارتۋدى قامتاماسىز ەتۋ وتە ماڭىزدى. اسكەري قىل­مىس­تار جازاسىز قالمايدى»، دەدى ەۋرو­پالىق وداق ديپلوماتى جوزەپ بوررەل.

ۇلىبريتانيا سىرتقى ىستەر ءمينيسترى ليز تراسس رەسەي پرە­زي­دەنتىن «تىنىشتاندىرۋ» ارە­­كەتىن قاۋىپتى دەپ سانايتىنىن جەتكىزدى. سونداي-اق ول ۋكراي­­ناعا قارۋ-جاراق جەتكىزۋدى كوبەي­­تۋدى جانە رەسەيگە قارسى سانك­تسيا­­لاردى كۇشەيتۋدى سۇراپ وتىر.

«رەسەي اگرەسسياسىن باسۋ مۇم­كىن ەمەس. وعان كۇشپەن قارسى تۇرۋ كەرەك. ءبىز اسكەري كومەك پەن سانكتسيا ارقىلى ۋكراينانىڭ جەڭىسىن قامتاماسىز ەتۋدە تاباندى بولۋىمىز كەرەك. ءبىز ەندى توقتاي المايمىز»، دەدى ليز تراسس.

تاياۋدا داۆوستا وتكەن فورۋمدا بىرقاتار مەملەكەت قايراتكەرى ۋكرايناداعى سوعىستى توقتاتۋ ءۇشىن كيەۆ بيلىگى رەسەيدىڭ ايت­قانىنا كونۋى قاجەت دەگەندەي پىكىر ءبىلدىردى. اتاپ ايتقاندا، اقش-تىڭ مەملەكەتتىك حاتشىسى قىزمەتىن اتقارعان گەنري كيسسيندجەر ۋكراينانى سوعىسقا دەيىنگى تەرريتوريانى عانا قايتارىپ، بەيبىت كەلىسىمگە قول قويۋعا شاقىردى.

الايدا ونىڭ پىكىرى ۋكراينا بيلىگىنە ۇناعان جوق. ەل پرە­زيدەنتى ۆولوديمير زەلەنسكي ۋكراينا اۋماعىنىڭ ءبىر بولىگىن رەسەيگە بەرۋ تۋرالى ۇسىنىستى سىنعا الدى.

«رەسەي قانداي ارەكەتكە بار­­سا دا، «ولاردىڭ مۇددەسىن ەسكە­رەيىك» دەيتىن بىرەۋ شى­عادى. بيىل داۆوستا مۇن­داي پىكىردى تاعى ەستىدىك. رەسەي­دىڭ مىڭداعان زىمى­رانى ۋكراي­نانى قيراتقانىنا قارا­ماستان. ون مىڭداعان ۋكراين ولتى­رىلگەنىنە قاراماستان. بۋچا مەن ماريۋپولگە قارا­ماس­تان. قيراعان قالالارعا قارا­ماستان. رەسەيدىڭ ادامداردى كونۆە­يەر­دەگىدەي ءولتىرىپ، ازاپتاپ، زور­لاپ، قورلايتىن «تاربيەلەۋ لاگەر­لەرىنە» قاراماستان»، دەپ كەيىدى ۆولوديمير زەلەنسكي.

كەي ساراپشىلار رەسەي سار­بازدارىنىڭ دونباستا العا جىلجۋىنا قاراماستان، اسكەرىنىڭ الە­ۋەتى السىرەپ بارا جاتقانىن العا تارتادى. بۇعان نەگىز جە­تەر­­لىك. تاياۋدا الەۋمەتتىك جەلى­دە ت-62 تانكىلەرى تيەلگەن ەشە­لون­نىڭ ۋكرايناعا قاراي كەتىپ بارا جات­قانى بەينەلەنگەن ۆيدەو تارادى. كەيىنىرەك سول ەشەلون مەلي­­تو­پول قالاسىنا بارىپ جەتكەن. ايتا كەتەرلىگى، ت-62 تان­كىلەرى كەڭەس وداعى كە­زىندە قول­دانىستا بول­عانىمەن، كە­يىن­نەن ەسكىرگەنىنە بايلانىس­تى ساپ­تان شىعارىلعان. ساراپ­شى­لار ماسكەۋ تاراپىنىڭ قوي­ما­داعى كونە تانكىلەردى شىعا­رۋىن اسكەردەگى تەحنيكانىڭ كوپ­تەپ قي­را­ۋىمەن بايلانىستىرىپ وتىر.

سوڭعى جاڭالىقتار

ارقالىقتا مىڭ ادام كۇي تارتتى

ايماقتار • بۇگىن، 08:45

كوشباسشى وزگەرگەن جوق

سپورت • بۇگىن، 08:44

قالا كۇنىندەگى بايگە جارىسى

سپورت • بۇگىن، 08:42

يسپانيادا ولجالى بولدى

تەننيس • بۇگىن، 08:40

ورگانيكالىق قالدىقتاردى وڭدەيدى

قازاقستان • بۇگىن، 08:38

جاسىل مەتاللۋرگيا قازىر دە بار

قازاقستان • بۇگىن، 08:37

دارىگەر-جازۋشىلار

ادەبيەت • بۇگىن، 08:34

زاڭسىز سالىنعان ءۇي ءسۇرىلدى

ايماقتار • بۇگىن، 08:30

جالعان شوت-فاكتۋرا جارعا جىقتى...

ايماقتار • بۇگىن، 08:27

قىمبات وپەراتسيانى تەگىن جاسادى

مەديتسينا • بۇگىن، 08:22

5 ادام سۋعا كەتتى

قوعام • بۇگىن، 08:20

جاستارعا ارنالعان جارمەڭكە

قوعام • بۇگىن، 08:18

جاستار جۇمىسپەن قامتىلدى

قوعام • بۇگىن، 08:15

سالعىرتتىق سان سوقتىرماسا ەكەن

ايماقتار • بۇگىن، 08:12

كيىكتەر كىمگە كەدەرگى؟

قازاقستان • كەشە

ەكى اۋىلعا گاز جەتتى

ايماقتار • كەشە

ينفلياتسيا يىلە مە؟

قوعام • كەشە

ءدارى مەن ءسوز ءدارۋى

مەديتسينا • كەشە

«التايداي جەر قايدا؟!»

ايماقتار • كەشە

ۇقساس جاڭالىقتار