قوعام • 26 مامىر، 2022

ءبىرتانوۆ باس پروكۋروردان مەملەكەتتىك ايىپتاۋشىلاردى اۋىستىرۋىن سۇرادى

41 رەت كورسەتىلدى

دەنساۋلىق ساقتاۋ مينيسترلىگىنىڭ بۇرىنعى باسشىسى ەلجان ءبىرتانوۆ پەن ونىڭ ورىنباسارى بولعان ولجاس ابىشەۆ ىسىنە قاتىستى وتكەن نەگىزگى سوت وتىرىسىندا ادۆوكاتتار مەملەكەتتىك ايىپتاۋشىلار مەن دەنساۋلىق ساقتاۋ مينيسترلىگىنىڭ وكىلىنە قارسىلىق ءبىلدىردى، دەپ حابارلايدى Egemen.kz.

قورعاۋشىلار تاراپىنان ءسوز العان ەرجان ءبىرتانوۆ زارداپ شەگۋشى تاراپتىڭ وكىلى اسقار اقباەۆقا نارازىلىق تانىتتى.

ء«بىرتانوۆتى قورعاۋشى تاراپتىڭ اقباەۆ مىرزاعا قاتىستى سۇراقتارى بار. وعان كۋاگەر رەتىندە دەنساۋلىق ساقتاۋ سالاسىن اقپاراتتاندىرۋ پلاتفورماسى تۋرالى ماڭىزدى مالىمەتى بار قۇجاتقا قول قويعان ادام رەتىندە سۇراق قويىلادى. بۇل جەردە پلاتفورمانىڭ 2021 جىلعى 1 قاراشاداعى تەحنيكالىق جاعدايى تۋرالى اكتىنى ايتىپ وتىرمىن. سوت ءىس باستالعاندا ول قۇجاتتى ورىس تىلىنە اۋدارۋعا جانە زەرتتەۋگە مىندەت العان. اقباەۆ مىرزا مەن بۇل قۇجاتقا قول قويعان وزگە دە تۇلعالار، ياعني دەنساۋلىق ساقتاۋ مينيسترلىگى مەن رەسپۋبليكالىق ەلەكتروندى دەنساۋلىق ساقتاۋ ورتالىعىنىڭ، «ەريكسون نيكولا تەسلا» كومپانياسىنىڭ وكىلدەرى سوتتا ءبىرتانوۆتى قورعاۋشى تاراپتىڭ سۇراقتارىنا جاۋاپ بەرۋگە ءتيىس. وسىعان بايلانىستى اقباەۆ مىرزا زارداپ شەگۋشى تاراپتىڭ وكىلى رەتىندە سوتقا قاتىسا المايدى. ويتكەنى ءبىر ادام سوت پروتسەسىنە ەكى بىردەي ستاتۋسپەن قاتىسا المايدى. ءارى كۋاگەر، ءارى زارداپ شەگۋشى بولۋى مۇمكىن ەمەس. بۇل قر قىلمىستىق پروتسەسسۋالدىق كودەكسىنە دە، قيسىنعا دا سىيمايدى. مۇنداي قوساقتالعان ستاتۋس مۇددە قايشىلىقتارىن تۋىنداتۋى مۇمكىن»، دەدى ەرجان ءبىرتانوۆ.

ال ادۆوكات سەرىك ساعاليەۆ پروتسەسسۋالدىق پروكۋرور سانات تالقانباەۆقا قارسىلىق ءبىلدىردى.

ولجاس ابىشەۆتىڭ ادۆوكاتتارى دا بۇل ۇستانىمدى قولدايتىنىن ايتىپ، مەملەكەتتىك ايىپتاۋشىلاردىڭ ەكەۋىنە دە قارسىلىق بەردى.

ەلجان ءبىرتانوۆتىڭ ءوزى دە قر باس پروكۋرورىنان وزىنە قاتىستى ءىس بويىنشا باسقا مەملەكەتتىك ايىپتاۋشىلار ۇسىنۋدى سۇرادى.

ۇزىلىستەن كەيىن سۋديا قورعاۋشى تاراپتىڭ تالاپتارىنا قاتىستى قابىلدانعان شەشىمدى ءمالىم ەتتى.

«قر قىلمىستىق-پروتسەسسۋالدىق كودەكسىنىڭ 87، 88، 94-باپتارىنىڭ نەگىزىندە سۋديا قاۋلى قابىلدادى:

- سوتتالۋشى ە.ءبىرتانوۆتىڭ قورعاۋشىسى ەرجان ءبىرتانوۆتىڭ زارداپ شەگۋشى تاراپتىڭ وكىلى ا. اقباەۆتى پووتسەسسۋالدىق ىستەن شەتتەتىپ، ودان كۋاگەر رەتىندە قورعاۋشى تاراپتىڭ جاۋاپ العىزۋى تۋرالى وتىنىشىنەن باس تارتۋ;

- ادۆوكات س. ساعاليەۆتىڭ پروتسەسسۋالدىق پروكۋرورعا بەرگەن قارسىلىعىنان باس تارتۋ تۋرالى قاۋلى قابىلدادى. قاۋلى شاعىمدانۋعا جاتپايدى. قاۋلىمەن كەلىسپەۋ تۋرالى ۋاجدەردى اپپەلياتسيالىق شاعىمدار مەن پروكۋروردىڭ وتىنىشىنە ەنگىزۋگە بولادى»، دەدى نۇر-سۇلتان قالاسىنىڭ №2 سارىارقا اۋداندىق سوتىنىڭ سۋدياسى يبراگيم الكەنوۆ.

ايانا توعانبەك

سوڭعى جاڭالىقتار

الماتى قالاسى «سارى» ايماقتا

كوروناۆيرۋس • بۇگىن، 10:28

ارقالىقتا مىڭ ادام كۇي تارتتى

ايماقتار • بۇگىن، 08:45

كوشباسشى وزگەرگەن جوق

سپورت • بۇگىن، 08:44

قالا كۇنىندەگى بايگە جارىسى

سپورت • بۇگىن، 08:42

يسپانيادا ولجالى بولدى

تەننيس • بۇگىن، 08:40

ورگانيكالىق قالدىقتاردى وڭدەيدى

قازاقستان • بۇگىن، 08:38

جاسىل مەتاللۋرگيا قازىر دە بار

قازاقستان • بۇگىن، 08:37

دارىگەر-جازۋشىلار

ادەبيەت • بۇگىن، 08:34

زاڭسىز سالىنعان ءۇي ءسۇرىلدى

ايماقتار • بۇگىن، 08:30

جالعان شوت-فاكتۋرا جارعا جىقتى...

ايماقتار • بۇگىن، 08:27

قىمبات وپەراتسيانى تەگىن جاسادى

مەديتسينا • بۇگىن، 08:22

5 ادام سۋعا كەتتى

قوعام • بۇگىن، 08:20

جاستارعا ارنالعان جارمەڭكە

قوعام • بۇگىن، 08:18

جاستار جۇمىسپەن قامتىلدى

قوعام • بۇگىن، 08:15

سالعىرتتىق سان سوقتىرماسا ەكەن

ايماقتار • بۇگىن، 08:12

ۇقساس جاڭالىقتار