گەرمانيا بيلىگى ەلگە كىرگىسى كەلەتىن نەمىستەر مەن شەتەلدىكتەر ءۇشىن كوروناۆيرۋستىق شەكتەۋلەردى الىپ تاستادى. 1 ماۋسىمنان باستاپ كەلۋشىلەردەن 3G ەرەجەسىن ساقتاۋدى تالاپ ەتپەيدى. مۇنداي شەشىمدى ەل ۇكىمەتى 25 مامىر, سارسەنبى كۇنگى پاندەميا كەزىندە گەرمانياعا كىرۋ تۋرالى جاڭا قاۋلىدا قابىلدادى.
3G ەرەجەسىنە سايكەس, گفر-عا كىرەتىن 12 جاستان اسقان ادامدا ۆاكتسيناتسيا تۋرالى سەرتيفيكات نەمەسە سovid-19 اۋرۋى تۋرالى انىقتاما نەمەسە سوڭعى 24 ساعات ىشىندە جاسالعان تەرىس كوروناۆيرۋس سىناعى بولۋى كەرەك. گەرمانيا دەنساۋلىق ساقتاۋ مينيسترلىگىنىڭ ءباسپاسوز حاتشىسى حاننا كاۋتس (Hanna Kautz) بۇل ەرەجە رەسەيلىكتەر مەن بەلورۋستارعا قاتىستى ەمەس ەكەنىن ايتتى. ۇكىمەتتىڭ شەشىمىنە سايكەس, بۇل قۇجات 1 ماۋسىمنان 31 تامىزعا دەيىن كۇشىندە بولادى.
بيلىك پاندەميانىڭ جاڭا تولقىنى باستالسا, كۇزدە تاعى دا شەكتەۋلەر ەنگىزىلۋى مۇمكىن ەكەنىن جوققا شىعارمايدى. قولدانىستاعى ەرەجە «كوروناۆيرۋستىق نۇسقا ايماقتارى» دەپ اتالاتىن ەلدەردەن بارعاندارعا قولدانىلمايدى. ولار بۇرىنعىداي گەرمانياعا بارعاننان كەيىن, ۆاكتسيناتسيالانعانىنا نەمەسە اۋىرعانىنا قاراماستان 14 كۇن وقشاۋلانۋى كەرەك.
