الەم • 25 مامىر، 2022

سولتۇستىك كورەيا جاپونياعا قاراي زىمىران ۇشىردى

25 رەت كورسەتىلدى

سولتۇستىك كورەيانىڭ سىناقتان وتكىزگەن 3 بالليستيكالىق زىمىران كۇنشىعىس ەلىنىنىڭ كەڭىستىگىنەن وتكەن، دەپ حابارلادى Egemen.kz 24.kz سايتىنا سىلتەمە جاساپ.

«زىمىران 550 شاقىرىم بيىكتىككە كوتەرىلىپ، 300-دەي شاقىرىم ءوتىپ، شىعىس جاعاعا قۇلادى. ءبىز قحدر-ءدىڭ يادرولىق جانە زىمىران سىناقتارىنا بەي-جاي قاراي المايمىز. بۇل ءبىزدىڭ ەلىمىزگە جانە الەمدەگى بەيبىتشىلىككە قاۋىپ توندىرەدى»، دەيدى جاپونيانىڭ قورعانىس ءمينيسترى نوبۋو كيسي.

بۇل سىناق اقش پرەزيدەنتى دجو بايدەننىڭ ازياعا ساپارى اياقتالىسىمەن جاسالعان. وڭتۇستىك كورەيا پرەزيدەنتى يۋن سوك يولمەن وتكەن كەزدەسۋدە پحەنياننان تونگەن قاۋىپكە تويتارىس بەرۋ ءۇشىن جاڭا شارالاردى قولعا الۋ تۋرالى ءسوز قوزعالعان ەدى.

ايتا كەتسەك، كحدر جىل باسىنان بەرى وسىمەن 17 رەت زىمىران ۇشىرىپ وتىر.

اقش سولتۇستىك كورەيانىڭ گيپەردىبىستى قارۋلاردى تاجىريبەدەن وتكىزىپ قانا قويماي، جاقىن ارادا يادرولىق قارۋدى دا سىناپ كورۋى مۇمكىن دەپ وتىر.

سالتانات كەنجەباي

سوڭعى جاڭالىقتار

دوللار باعامى ءوستى

قارجى • بۇگىن، 16:12

ۇقساس جاڭالىقتار