بقو كاسىپكەرلىك جانە يندۋستريالدىق-يننوۆاتسيالىق دامۋ باسقارماسىنىڭ باسشىسى جۇماگەلدى باتىرنيازوۆ وڭىرلىك كوممۋنيكاتسيالار قىزمەتى الاڭىندا وتكەن بريفينگىدە ءمالىم ەتكەندەي, جىل باسىنان بەرى كوكونىس جانە باكالەيا ونىمدەرىنىڭ باعاسى ارتقان.
ونىڭ ايتۋىنشا, الەۋمەتتىك ماڭىزى بار تاۋارلار باعاسى ءوسۋىنىڭ نەگىزگى سەبەپتەرى باسقا ەلدەردەن اكەلىنەتىن نەگىزگى شيكىزات كوزىنىڭ, جەم-ءشوپ, تىڭايتقىشتىڭ قىمباتتاۋىنا بايلانىستى. تاۋارلار لوگيستيكاسى باعاسى دا ءوستى. اتاپ ايتقاندا, شيكىزات – كۇنباعىس باعاسىنىڭ ءوسۋى سودان الىناتىن كۇنباعىس مايىنىڭ, جەم-ءشوپ پەن تىڭايتقىشتىڭ قىمباتتاۋى تاۋىق جۇمىرتقاسى مەن ەتىنىڭ باعاسى وسۋىنە اسەر ەتتى. جەمشوپ باعاسى 25-35 پايىزعا قىمباتتادى, تۇرىنە قاراي 50-60 مىڭ تەڭگەدەن 100-110 مىڭ تەڭگەگە دەيىن جەتتى. كوكونىس ونىمدەرىنە باعانىڭ ءوسۋى ماۋسىمدىق سيپاتقا بايلانىستى.
«سونداي-اق الەمدەگى گەوساياسي جاعداي ايتارلىقتاي اسەر ەتتى, وبلىستىڭ گەوگرافيالىق ورنالاسۋىنا بايلانىستى ءونىمنىڭ ەداۋىر بولىگى رەسەي فەدەراتسياسىنىڭ شەكارالاس ايماقتارىنان اكەلىنەدى جانە رۋبل باعامىنىڭ ءوسۋى دە ىقپالىن تيگىزدى», دەدى ج.باتىرنيازوۆ.
باسقارما باسشىسىنىڭ سوزىنە قاراعاندا, وڭىردە ازىق-ت ۇلىك باعاسىن تۇراقتاندىرۋ بويىنشا جۇمىستار جۇرگىزىلۋدە. مىسالى, وبلىس حالقىن قانتپەن قامتۋ ماقساتىندا تومەن باعامەن 204 توننا قانت جەتكىزىلىپ, ساتىلدى. «ازىق-ت ۇلىك كەلىسىمشارت كورپوراتسياسى» ۇك» اق-عا حالىقتىڭ قاجەتى ءۇشىن قوسىمشا 1 800 توننا كولەمىندە قانت ءبولۋ تۋرالى حات جولداندى.
ء«ساۋىر ايىندا كيلوسىنا 450 تەڭگە باعامەن 476 توننا قانتتى مامىر ايىندا جەتكىزۋ ءۇشىن جەكە كاسىپكەرلەرگە الدىن الا تولەم جاسالدى. ونىڭ 30 پايىزى (142,8 توننا) وندىرۋشىلەر اراسىندا بولىنەدى. وتاندىق قانت وندىرۋشىلەرمەن تىكەلەي كەلىسسوز جۇرگىزىلۋدە. قانت وندىرۋشىلەردىڭ اقپاراتىنا قاراعاندا, ولار كۇنى بۇگىن شيكىزاتپەن قامتاماسىز ەتىلگەن جانە اپتاسىنا 140 توننا قانتتى وڭىرگە ۇزدىكسىز جىبەرۋدى جوسپارلاپ وتىر. ءىرى ساۋدا ورتالىقتارىندا قانت تاپشىلىعى مەن الىپساتارلىققا جول بەرمەۋ ءۇشىن ونىڭ مولشەرىن شەكتەپ ساتۋ ۇيىمداستىرىلدى. باعانىڭ نەگىزسىز وسۋىنە جول بەرمەۋ جانە تۇراقتاندىرۋ ماقساتىندا مونيتورينگ جۇرگىزىلىپ, باسقا دا جۇمىستار اتقارىلۋدا», دەدى ج.باتىرنيازوۆ.
ايانا توعانبەك
