قازاقستان • 25 مامىر، 2022

قازاقستاندا ەنەرگيا ۇنەمدەۋ تالاپتارىنا قاتىستى زاڭ جوباسى ماقۇلداندى

3497 رەت كورسەتىلدى

ءماجىلىس «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن ەكىنشى وقىلىمدا ماقۇلدادى، دەپ حابارلايدى Egemen.kz.

زاڭ جوباسىندا ەنەرگيا اۋديتورلارىن اتتەستاتتاۋ جونىندەگى مەملەكەتتىك فۋنكتسيانى باسەكەلەستىك ورتاعا بەرۋ، ەنەرگيا ءاۋديتى سالاسىنداعى كاسىپكەرلىك قىزمەتتى كەڭەيتۋ جانە ەنەرگەتيكالىق ءاۋديتتىڭ ەرىكتى سيپاتتاعى «ەكسپرەسس-ەنەرگيا ءاۋديتى» جانە «نىسانالى ەنەرگيا ءاۋديتى» دەگەن جاڭا تۇرلەرىن ەنگىزۋ جولىمەن ەنەرگيا ءاۋديتى جۇيەسىن جەتىلدىرۋ كوزدەلەدى.

مەملەكەتتىك ەنەرگەتيكالىق ءتىزىلىم سۋبەكتىلەرى ەنەرگەتيكالىق مەنەدجمەنت جۇيەسى ەنگەن، ەنەرگيا ءاۋديتىنىڭ الدىڭعى قورىتىندىسى بولعان جانە جىلدىق ەنەرگيا تۇتىنۋدى كەمىندە 5%-عا تومەندەتۋ قامتاماسىز ەتىلگەن جاعدايدا مىندەتتى ەنەرگيا ءاۋديتىنىڭ ورنىنا ەكسپرەسس-ەنەرگيا اۋديتىنەن وتە الادى.

زاڭ جوباسىنداعى بىرقاتار تۇزەتۋ سۋبەكتىلەرگە زاڭ بۇزۋشىلىقتاردى ءوز بەتىنشە جويۋعا مۇمكىندىك بەرۋ ماقساتىندا سۋبەكتىلەرگە بارماي پروفيلاكتيكالىق باقىلاۋدى ەندىرۋگە باعىتتالعان.

ەكىنشى وقىلىمداعى زاڭ جوباسىمەن جۇمىس بارىسىندا دەپۋتاتتار:

- مەملەكەتتىك ەنەرگەتيكالىق ءتىزىلىم سۋبەكتىلەرىنىڭ سۋ تۇتىنۋ مونيتورينگى بويىنشا نورمالاردى ساقتاۋعا;

- مەملەكەتتىك ەنەرگەتيكالىق ءتىزىلىم سۋبەكتىلەرىنىڭ تىزبەسىن كەڭەيتۋگە;

- مىندەتتى ەنەرگيا ءاۋديتىنىڭ ورنىنا ەكسپرەسس-ەنەرگيا ءاۋديتىن جۇرگىزۋ شارتتارىن جەڭىلدەتۋگە;

- باقىلاۋ سۋبەكتىلەرىنە بارماي پروفيلاكتيكالىق باقىلاۋ جۇرگىزۋ ءتارتىبىن ناقتىلاۋعا;

- ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ سالاسىنداعى حابارلاما بەرۋ ءتارتىبىن ناقتىلاۋعا;

- ەنەرگيا اۋديتورىنىڭ قۇقىقتارى مەن مىندەتتەرىن بەلگىلەۋدى كوزدەيتىن جەكە باپ ەنگىزۋگە باعىتتالعان تۇزەتۋلەر ەنگىزدى.

دەپۋتاتتار «ەلەكتر ەنەرگەتيكاسى تۋرالى» جانە «تابيعي مونوپوليالار تۋرالى» زاڭدارعا رەسپۋبليكالىق ماڭىزى بار قالالاردىڭ جىلۋ ەلەكتر ستانتسيالارىن بالامالى ەنەرگيا كوزدەرىنە، اتاپ ايتقاندا گازعا اۋىستىرۋ تەتىگىن زاڭنامالىق بەكىتۋگە جانە ەلەكتر ەنەرگياسىنىڭ تاپشىلىعىن جابۋعا باعىتتالعان تۇزەتۋلەردى جەكە بلوكپەن ەنگىزدى.

وسى نورمالاردا وتىننىڭ بالامالى ءتۇرى رەتىندە گازدى پايدالانۋ ارقىلى گەنەراتسيالايتىن قوندىرعىلاردى سالا وتىرىپ، جاڭعىرتۋعا، رەكونسترۋكتسيالاۋعا جانە كەڭەيتۋگە ينۆەستيتسيالىق كەلىسىمدەر جاساسۋ كوزدەلەدى.

زاڭ جوباسى سەناتتىڭ قاراۋىنا جىبەرىلدى.

سوڭعى جاڭالىقتار

الماتى قالاسى «سارى» ايماقتا

كوروناۆيرۋس • بۇگىن، 10:28

ارقالىقتا مىڭ ادام كۇي تارتتى

ايماقتار • بۇگىن، 08:45

كوشباسشى وزگەرگەن جوق

سپورت • بۇگىن، 08:44

قالا كۇنىندەگى بايگە جارىسى

سپورت • بۇگىن، 08:42

يسپانيادا ولجالى بولدى

تەننيس • بۇگىن، 08:40

ورگانيكالىق قالدىقتاردى وڭدەيدى

قازاقستان • بۇگىن، 08:38

جاسىل مەتاللۋرگيا قازىر دە بار

قازاقستان • بۇگىن، 08:37

دارىگەر-جازۋشىلار

ادەبيەت • بۇگىن، 08:34

زاڭسىز سالىنعان ءۇي ءسۇرىلدى

ايماقتار • بۇگىن، 08:30

جالعان شوت-فاكتۋرا جارعا جىقتى...

ايماقتار • بۇگىن، 08:27

قىمبات وپەراتسيانى تەگىن جاسادى

مەديتسينا • بۇگىن، 08:22

5 ادام سۋعا كەتتى

قوعام • بۇگىن، 08:20

جاستارعا ارنالعان جارمەڭكە

قوعام • بۇگىن، 08:18

جاستار جۇمىسپەن قامتىلدى

قوعام • بۇگىن، 08:15

سالعىرتتىق سان سوقتىرماسا ەكەن

ايماقتار • بۇگىن، 08:12

كيىكتەر كىمگە كەدەرگى؟

قازاقستان • كەشە

ەكى اۋىلعا گاز جەتتى

ايماقتار • كەشە

ينفلياتسيا يىلە مە؟

قوعام • كەشە

ءدارى مەن ءسوز ءدارۋى

مەديتسينا • كەشە

ۇقساس جاڭالىقتار