شتات گۋبەرناتورى گرەگ ەببوتتىڭ سوزىنشە, شابۋىلشى سالۆادور روماس ەسىمدى 18 جاسار جەرگىلىكتى تۇرعىن. تاپانشا مەن AR-15 ۆينتوۆكاسىن قولدانعان قىلمىسكەرگە وقيعا ورنىندا ءتارتىپ ساقشىلارى وق اتتى.
جەرگىلىكتى باق-تىڭ دەرەگىنشە, 18 وقۋشى مەن 1 مۇعالىم قازا تاپقان. تاعى 2 پوليتسيا قىزمەتكەرى جارالانىپ, اۋرۋحاناعا جەتكىزىلدى. قاسكويدىڭ قىلمىس جاساۋ سەبەبى انىقتالىپ جاتىر.
اقش پرەزيدەنتى دجو بايدەن قازا تاپقانداردى ازا تۇتۋ بەلگىسى رەتىندە اق ءۇي مەن باسقا دا قوعامدىق عيماراتتاردىڭ ۇستىندەگى مەملەكەتتىك تۋلاردى تومەن ءتۇسىرۋدى بۇيىردى.
امەريكالىق «Gun Violence Archive» ۇيىمنىڭ مالىمەتىنشە, مامىر ايىنىڭ وزىندە وسىعان ۇقساس 215 وقيعا تىركەلگەن.
سالتانات كەنجەباي
