قازاقستان • 24 مامىر، 2022

قىزىلوردادا 214 مەملەكەتتىك قىزمەتشى جاۋاپقا تارتىلدى

67 رەت كورسەتىلدى

قىزىلوردا وبلىسىندا مەملەكەتتىك ساتىپ الۋ زاڭناماسىن بۇزعان 214 مەملەكەتتىك قىزمەتشى جازالاندى، دەپ حابارلايدى Egemen.kz.

«مەملەكەتتىك ساتىپ الۋدى نەگىزسىز ءبىر كوزدەن الۋ فاكتىسى انىقتالدى. اتاپ ايتقاندا، ارال اۋداندىق قۇرىلىس ءبولىمى بىرقاتار جۇمىس پەن قىزمەتتى ساتىپ الۋعا زاڭسىز تىكەلەي ءبىر كوزدەن شارت جاساۋعا جۇيەلى تۇردە جول بەرگەن. بۇل ءبولىم 2019-2021 جىلدارى 1 ملرد 400 ملن تەڭگەگە زاڭسىز 54 شارت جاساعان. ونىڭ ۇستىنە اتالعان قىزمەتتەردى تەك بەلگىلى ءبىر تۇلعادان الىپ كەلگەن. وبلىس پروكۋراتۋراسىنىڭ قاداعالاۋ اكتىسى بويىنشا ۆەدومستۆولىق باقىلاۋ جۇرگىزبەگەنى ءۇشىن ارال اۋدانىنىڭ اكىمى مەن ونىڭ ورىنباسارى تارتىپتىك جازاعا تارتىلدى. ال ءبولىم باسشىسىنا 8 ملن تەڭگە اكىمشىلىك ايىپپۇل سالىنىپ، قىزمەتىنەن بوساتىلدى»، دەدى قىزىلوردا وبلىسى پروكۋراتۋراسىنىڭ باسقارما باسشىسى ايدوس ابدىباەۆ.

وسى جىلدان باستاپ «مەملەكەتتىك ساتىپ الۋ تۋرالى» زاڭعا بىرقاتار وزگەرىستەر ەنگىزىلدى. وندا ءبىر كوزدەن مەملەكەتتىك ساتىپ الۋ تەك باسقا تاسىلمەن ساتىپ الۋ مۇمكىن بولماعان ايرىقشا جاعدايدا جۇزەگە اسىرىلاتىنى كورسەتىلگەن.

«اتالعان وزگەرىستەرگە قاراماستان بيىل 19 كەنت پەن اۋىل اكىمدىكتەرى زاڭسىز 459 ملن تەڭگەگە ءبىر كوزدەن 108 شارت جاساعانى انىقتالدى. تەرەڭوزەك كەنتى اكىمدىگى 224 ملن تەڭگەگە 39 نەگىزسىز شارت جاساعان. وسىنداي زاڭبۇزۋشىلىقتار قازالىدا 90، جالاعاشتا 46، قارماقشىدا 52، شيەلىدە 24، جاڭاقورعان اۋدانىندا 4 ملن تەڭگەنى قۇراعان. ءوز كەزەگىندە اتالعان مەملەكەتتىك ساتىپ الۋلار باسقا دا الەۋەتتى ءونىم بەرۋشىلەر اراسىندا باسەكە ورناتىپ، باعا ۇسىنىسىن سۇراتۋ نەمەسە كونكۋرس تاسىلىمەن جۇرگىزۋ قاجەت. سوندىقتان پروكۋراتۋرا تاراپىنان نەگىزسىز جاسالعان شارتتاردىڭ كۇشىن جويۋ جانە لاۋازىمدى ادامداردىڭ جاۋاپتىلىعىن قاراۋ ءۇشىن قاداعالاۋ اكتىلەرى ەنگىزىلدى»، دەدى ايدوس ابدىباەۆ.

سوڭعى جاڭالىقتار

دوللار باعامى ءوستى

قارجى • بۇگىن، 16:12

ۇقساس جاڭالىقتار