قازاقستان • 24 مامىر، 2022

اقشولاقوۆ رەسەيدەن گاز تارتۋدىڭ وڭتايلى جولدارىن اتادى

26 رەت كورسەتىلدى

ەنەرگەتيكا مينيسترلىگى سولتۇستىك وڭىرلەر مەن شقو-نى گازداندىرۋ بويىنشا 2 نۇسقانى قاراستىرىپ وتىر، دەپ حابارلايدى Egemen.kz.

ء«بىرىنشى نۇسقا – رەسەي فەدەراتسياسىنان گاز تارتۋ. بۇل نۇسقا قازاقستاندىق-رەسەيلىك جۇمىس توبىنىڭ شەڭبەرىندە قاراستىرىلۋدا. مينيسترلىك اكىمدىكتەرمەن بىرلەسىپ، گازداندىرۋدىڭ نۇسقالارىن قاراۋ ءۇشىن تۇتىنۋدىڭ شاماداعى كولەمىن انىقتاپ، رەسەيلىك تاراپقا جولدادى. سونداي-اق گاز قۇبىرلارىنىڭ وڭتايلى مارشرۋتتارى انىقتالدى، بۇل – ۇزىندىعى شامامەن 1 مىڭ شاقىرىم «بارناۋىل – رۋبتسوۆ – سەمەي – وسكەمەن - پاۆلودار قالاسىندا تارماقتالۋى» جانە 644 شاقىرىم بولاتىن «ەسىل – پەتروپاۆل – كوكشەتاۋ – نۇر-سۇلتان»، دەپ ءتۇسىندىردى بولات اقشولاقوۆ ۇكىمەت وتىرىسى بارىسىندا.

ءمينيستردىڭ ايتۋىنشا، قازىر رەسەيلىك تاراپ ەسەپ جۇرگىزىپ جاتىر، ونى بيىلعى ەكىنشى توقساندا الۋ بولجانعان.

«سونداي-اق ءبىز شقو مەن سولتۇستىك وڭىرلەردى رەسەي فەدەراتسياسىنان سۇيىتىلعان تابيعي گازدى جەتكىزۋ ارقىلى گازداندىرۋ نۇسقاسىن زەرتتەپ جاتىرمىز. بۇل رەتتە ول ءۇشىن كومپريميرلەۋ مەن قايتا گازداندىرۋدىڭ ءتيىستى ينفراقۇرىلىمىن سالۋ جانە قۇرىلىسقا ءتيىستى ينۆەستيتسيالار سالۋ تالاپ ەتىلەتىنىن اتاپ وتكەن ءجون»، دەدى ەنەرگەتيكا ءمينيسترى.

سونداي-اق گازداندىرۋدىڭ تاعى ءبىر بالامالى نۇسقاسى – گازدى «سارىارقا» ماگيسترالدىق گاز قۇبىرىنان بەرۋ.

«قازىرگى تاڭدا «استاناگاز قمگ» اق اقمولا جانە سولتۇستىك قازاقستان وبلىستارىن گازداندىرۋدى كوزدەيتىن «سارىارقا» مگق-نىڭ 2-3-كەزەڭدەرىن سالۋ بويىنشا تەحنيكالىق-ەكونوميكالىق نەگىزدەمەنى تۇزەتتى. مەملەكەتتىك ساراپتاما ماۋسىم ايىندا شىعۋى مۇمكىن. الۋدىڭ كۇتىلەتىن مەرزىمى – بيىلعى ماۋسىم. «استاناگاز قمگ» اقپاراتى بويىنشا، ماتەريالداردىڭ قىمباتتاۋىن ەسكەرە وتىرىپ، ۇزىندىعى 483 كم بولاتىن «سارىارقا» مگق-نىڭ 2-3 كەزەڭدەرىن سالۋ قۇنى - شامامەن 165 ملرد تەڭگە»، دەپ قوستى بولات اقشولاقوۆ.

سوڭعى جاڭالىقتار

دوللار باعامى ءوستى

قارجى • بۇگىن، 16:12

ۇقساس جاڭالىقتار